Búgin Qazaqstannyń Ulttyq Olimpiadalyq komiteti XXXII jazǵy Olimpiada oiyndaryna qatysýǵa resmi shaqyrý aldy, dep habarlaidy "Ult aqparat".
Halyqaralyq Olimpiadalyq komitettiń (HOK) shaqyrý hatynda HOK prezidenti, doktor Tomas Bahtyń qoly qoiylǵan. Aita keteiik, HOK dástúr boiynsha Olimpiadaǵa bir jyl ýaqyt qalǵanda ulttyq olimpiadalyq komitetterge shaqyrý jiberedi.
«Qazirgi tańda Qazaqstan komandasynda 10 litsenziia bar. Olimpiadaǵy joldamany júzýshi Dmitrii Balandin (100, 200 metr, brass), jeńil atletter Olga Rypakova men Georgii Sheiko, veloshabandoz Evgenii Gidich (litsenziia belgili bir sportshyǵa berilmeidi), klassikalyq sadaq atýdan Qazaqstannyń erler komandasy (Denis Gankin, Ilfat Abdýllin, Sanjar Musaev) jáne ashyq sýda júzýshi Vitalii Hýdiakov ielendi. Sadaq atý sportynan Qazaqstan komandalyq jáne jekelei saiysta da óner kórsetedi», - delingen QR Ulttyq Olimpiadalyq komitetiniń aqparatynda.
Tokiodaǵy Olimpiada oiyndaryna álemniń 206 elinen 11 myńnan astam sportshy qatysady. Jarys 2020 jylǵy 24 shildede bastalady, jabylý saltanaty 9 tamyzda ótedi.
