Qazaqstan Respýblikasy Premer-Ministriniń orynbasary – Syrtqy ister ministri Muhtar Tileýberdi Baký qalasyna resmi saparmen baryp keldi, dep habarlaidy "Ult aqparat" vedomstvonyń resmi saityna silteme jasap.
Muhtar Tileýberdi Ázerbaijan Respýblikasynyń Prezidenti Ilham Álievpen jáne Premer-Ministr Ali Asadovpen kezdesti, sondai-aq Syrtqy ister ministri Djeihýn Bairamovpen kelissóz ótkizdi.
M.Tileýberdi Ázerbaijan Kóshbasshysyna Qazaqstan Prezidenti Qasym-Jomart Toqaev pen Tuńǵysh Prezident – Elbasy Nursultan Nazarbaevtyń jyly lebizderi men tilekterin jetkizdi.
Ol halyqaralyq quqyq pen BUU Qaýipsizdik Keńesiniń qararlary negizinde eldiń aýmaqtyq tutastyǵyn qalpyna keltirýimen quttyqtap, joǵary deńgeidegi ýaǵdalastyqtardyń iske asyrylýyn talqylady.
Óz kezeginde Prezident I.Áliev Qazaqstan men Ázerbaijandy burynnan kele jatqan senimdi qarym-qatynastar bailanystyratynyn atap ótti.
«Bul dostyqtyń negizin Nursultan Nazarbaev pen Geidar Áliev qalady, al búginde bul baǵytty eki eldiń prezidentteri jalǵastyrýda», - dedi AR Prezidenti. Ol Prezident Q.Toqaevtyń Ázerbaijanǵa josparlanǵan sapary QR men AR yntymaqtastyǵyna qosymsha serpin beretinine senim bildirdi.
Taraptar saýda-ekonomikalyq bailanystardy odan ári nyǵaitý jáne tranzit-kóliktik áleýetin damytý jónindegi kúsh-jigerdi úilestirý qajettigine kelisti.
AR Premer-Ministri Ali Asadovpen kezdesý barysynda ekijaqty yntymaqtastyqtyń, atap aitqanda investitsiialyq, saýda-ekonomikalyq, tranzit-kóliktik jáne energetika salalaryndaǵy keń aýqymdy máseleleri qaraldy.
Qazaqstan SIM basshysy Ázerbaijan biznesiniń ókilderine QR aýmaǵynda kóterme-taratý ortalyqtary jelisin qurýǵa qatysýdy usyndy.
AR Úkimetiniń basshysy saýda qatynastaryn, ásirese Qazaqstannyń batys óńirlerine Ázerbaijan ónimderin jetkizýdegi áleýetti atap ótti.
Qazaqstandyq kompaniialardy Taýly Qarabaqty qalpyna keltirýge belsendi qatysýǵa shaqyrdy, bul búgingi tańda Ázerbaijan qoǵamy úshin basymdyq bolyp tabylady.
Ázerbaijannyń Syrtqy ister ministri D.Bairamovpen kelissózderde taraptar ekijaqty yntymaqtastyqtyń, óńirlik jáne halyqaralyq kún tártibiniń, onyń ishinde Kaspii problematikasy men BUU, EQYU, TMD, AÓSShK, Túrki keńesi jáne basqa da kópjaqty uiymdar sheńberindegi ózara is-qimyldyń keń aýqymdy máseleleri boiynsha «saǵattardy teńesterdi».
M.Tileýberdi Ázerbaijan, Armeniia jáne Resei arasyndaǵy 2020 jylǵy 10 qarashadaǵy jáne 2021 jylǵy 11 qańtardaǵy qol jetkizilgen úshjaqty ýaǵdalastyqtardy quptady.
Qarabaq tóńiregindegi jaǵdaidyń turaqtanýy Ońtústik Kavkazdyń Qazaqstanmen jáne Ortalyq Aziia elderimen neǵurlym aýqymdy transóńirlik integratsiiasy, óńirdegi kólik bailanystarynyń qaita ashylýyn eskere otyryp, eki eldiń Kaspii porty infraqurylymynyń ósip kele jatqan áleýetin ashyp kórsetý úshin jańa jaǵdailar týǵyzatynyna senim bildirdi.
Óz kezeginde D.Bairamov Ońtústik Kavkaz óńirindegi aǵymdaǵy jaǵdai, Ázerbaijannyń qabyldanǵan úshjaqty ýaǵdalastyqtardy iske asyrý boiynsha qolǵa alynǵan qadamdary týraly habardar etti.
Taraptar Saýda-ekonomikalyq yntymaqtastyq jónindegi úkimetaralyq komissiianyń kezekti 17-shi otyrysyn ótkizý, Transkaspii halyqaralyq kólik baǵyty sheńberindegi jobalardy iske asyrý boiynsha josparlardy belgiledi, qazaqstandyq kompaniialardyń Qarabaqtyń bosatylǵan aýmaqtarynyń azamattyq infraqurylymyn qalpyna keltirýge qatysý perspektivalaryn qarady.
Qazaqstan SIM basshysy qazaqstandyq júk elektrovozdary men astyqty Ázerbaijan naryǵyna jetkizýdi, Kaspii teńiziniń túbi boiynsha talshyqty-optikalyq bailanys jelisin (TOBJ) ótkizý jónindegi birlesken jobany júzege asyrýdy qanaǵattanýshylyqpen atap ótti.
Bul bizdiń elderimizdiń telekommýnikatsiia salasyndaǵy tranzittik áleýetin keńeitedi.
2022 jyly Qazaqstan men Ázerbaijan arasyndaǵy diplomatiialyq qatynastardyń ornaǵanyna 30 jyl tolýyna orai taraptar osy mereitoi kúnin merekeleýge muqiiat daiyndalý qajettigi týraly kelisti.
Sapar aiasynda qazaqstandyq delegatsiia Ázerbaijan halqynyń jalpyulttyq kóshbasshysy Geidar Álievtiń beiitine jáne Shehidter alleiasyndaǵy Máńgilik alaý monýmentine gúl shoqtaryn qoiý rásimine qatysty.
