Foto: kollaj Ult.kz
«Qazaqstan» teleradiokorporatsiiasyn 6 jyldan astam ýaqyt basqarǵan Lázzat Tanysbai óz erkimen qyzmetinen ketti. Ol áriptesterine alǵysyn aityp, otandyq televiziianyń damýyna ári qarai da úles qosa beretinin jetkizdi. Endi mediamenedjer «Evraziia» arnasyna jetekshilik etedi, dep habarlaidy Ult.kz.
Korporatsiianyń jańa basshysy bolyp jýrnalist Ernur Býrahan taǵaiyndaldy. Ol buǵan deiin Qazaq radiolaryna, memlekettik qyzmetke jáne Shyǵys Qazaqstan oblysynyń Ishki saiasat basqarmasyna jetekshilik etken.
Lázzat Tanysbaidyń basshylyǵy kezinde «Qazaqstan» arnasy úzdik bestikke endi. «Ashyq alań», «Bas taqyryp», «Jedel jeli» sekildi jańa jobalar kórermenge jol tartty. 20-dan astam otandyq serial túsirilip, «Abai.tv» arnasy ashyldy. Sonymen qatar «Birge.TV» striming platformasy men Altynqor.com beineqor saity iske qosyldy.
Sońǵy alty jylda korporatsiianyń kommertsiialyq tabysy 50 paiyzǵa ósip, jas mamandarǵa arnalǵan mediamektepten 120-dan asa túlek túlep ushty.
