Ekaterinbýrg qalasynda XII «INNOPROM» Halyqaralyq ónerkásiptik kórmesi aiasynda QR Premer-Ministri Álihan Smaiylov RF Úkimetiniń Tóraǵasy Mihail Mishýstinmen kezdesti, dep habarlaidy "Ult aqparat" Úkimettiń resmi saityna silteme jasap.
Kezdesý barysynda QR Premer-Ministri biyl bizdiń el «INNOPROM» kórmesiniń seriktesi, osyǵan bailanysty Qazaqstan tarapynan memlekettik sektor men biznes-qoǵamdastyq ókilderinen quralǵan resmi delegatsiia kelip otyrǵanyn aitty.
«Bizdiń kompaniialar ózderiniń ázirlemelerin kórsetý, tiimdi jáne perspektivaly iskerlik bailanystar ornatý úshin berilgen múmkindikti tolyq kólemde paidalanady dep sanaimyn», - dedi Álihan Smaiylov.
Premer-Ministr Qazaqstan men Resei arasyndaǵy ózara memleketaralyq bailanystar joǵary deńgeide ekenin atap ótti. Ekijaqty qarym-qatynastyń erekshe sipaty memleketter basshylary kezdesýleriniń joǵary qarqynymen de rastalyp otyr.
«Qazaqstan Úkimeti ekonomikalyq yntymaqtastyqty tereńdetýge baǵyttalǵan ózara is-qimyldyń barlyq baǵyttary boiynsha belsendi dialogqa daiyn», - dep atap ótti Álihan Smaiylov.
Resei – Qazaqstannyń negizgi saýda-ekonomikalyq seriktesi. 2021 jyldyń qorytyndysy boiynsha ekijaqty taýar ainalymy úshten birge ósip, $24,2 mlrd-qa jetti. Bul – Qazaqstan-Resei saýdasy úshin rekordtyq kórsetkish.
Osy jyly oń dinamika saqtalyp otyr – qańtar-mamyr ailarynda ózara saýda 5%-ǵa ósip, $9,2 mlrd-qa jetti.
«Elderimiz arasyndaǵy kópjosparly ekonomikalyq bailanystardy damytý boiynsha júieli jumys júrgizilip jatyr. Ekijaqty ózara is-qimyldyń jáne saýda ainalymyn ulǵaitýdyń keń aýqymdy máselelerin sheshýde Qazaqstan-Resei Úkimetaralyq komissiiasy erekshe ról atqarady. Bul turǵyda ekonomikalyq yntymaqtastyqtyń 2021-2025 jyldarǵa arnalǵan keshendi baǵdarlamasyn ýaqtyly iske asyrý mańyzdy», - dedi QR Úkimetiniń basshysy.
Álihan Smaiylov ónerkásiptik kooperatsiia Qazaqstan men Resei yntymaqtastyǵynyń basym baǵyttarynyń biri ekenin aitty.
Osylaisha, ónerkásip salasyndaǵy birlesken kúsh-jigerdiń nátijesinde $437,8 mln-ǵa 13 iri kooperatsiialyq joba jáne $3 mlrd-qa 9 jańa joba iske asyryldy.
«Bul jumystyń tiimdiligin tómendetpeý mańyzdy. Qazaqstan úkimeti barlyq baǵyttar boiynsha Qazaqstan-Resei strategiialyq áriptestiginiń serpindi damýyn qamtamasyz etý úshin kóp josparly jumysty jalǵastyrýǵa nietti», - dep túiindedi QR Premer-Ministri.
Óz sózinde Mihail Mishýstin Resei Úkimetiniń Qazaqstanmen dostyq pen áriptestikti odan ári nyǵaitýdy sózsiz basymdyq retinde qarastyratynyn atap ótti.
«Bizdiń yntymaqtastyq ýaqytpen tekserilgen jáne syrtqy synaqtarǵa tózimdiligin birneshe ret dáleldegen», - dedi Mishýstin.
Kezdesý barysynda Úkimet basshylary keń aýqymdy máselelerdi, onyń ishinde saýda-ekonomikalyq, kólik jáne gýmanitarlyq salalardaǵy yntymaqtastyq máselelerin talqylady.
