Qazaqstan men Resei Jaiyq ózeniniń gidrologiialyq rejimin zertteý úshin birlesken sarapshylyq top qurady.
Bul jaiynda QR Ekologiia, geologiia jáne tabiǵi resýrstar ministrliginiń Telegram paraqshasynda jariialanǵan aqparatta aitylǵan, dep habarlaidy "Ult aqparat".
«Qazaqstannyń Ekologiia, geologiia jáne tabiǵi resýrstar ministri Maǵzum Myrzaǵaliev Reseige jumys sapary barysynda Jaiyq ózeniniń gidrologiialyq rejimin zertteý úshin birlesken sarapshylyq top qurý, basseinniń ekojúiesin saýyqtyrý baǵdarlamasyn qurý múmkinshiligin, sonymen qatar Kaspii itbalyǵy men kiikterdiń popýliatsiiasyn saqtaý máselelerin talqylady. M.Myrzaǵaliev bul máselelerdi RF Tabiǵi resrýstar jáne ekologiia ministri Dmitrii Kobylkinmen kezdesýi barysynda qozǵady», - delingen taratylǵan aqparatta.
Qazaqstannyń bas ekology reseilik áriptesin Jaiyq ózeniniń gidrologiialyq rejimin birlesip zertteýge kúsh-jiger jumyldyrýǵa, ony odan ary jaqsartý úshin keshendi sharalar ázirleýge úndedi.
«Vedomstvolarymyzdyń arasynda Jaiyq ózeniniń qazirgi gidrologiialyq rejimin zertteýdi uiymdastyrý boiynsha birlesken jumys tobyn qurý jáne tiisinshe tehnikalyq mindetter ázirleý qajet. 2020 jyldyń naýryzynda taraptardyń sarapshylary birlesken zertteý júrgizýge kirise alady», - dedi kezdesý barysynda M.Myrzaǵaliev.
Sonymen qatar ol árbir taraptyń sarapshylar quramyn jasaqtaýǵa shaqyrdy.
Taraptardyń kelesi kezeńde óńirdiń qorshaǵan ortasynyń jai-kúiin zerdeleýge kirisýi jáne Jaiyq ózeni basseininiń ekojúiesin saýyqtyrý baǵdarlamasyn ázirleýi josparlanǵan.
Munan bólek Maǵzum Myrzaǵaliev reseilik tarapqa Kaspii itbalyǵy mekendeitin jerdi saqtaý úshin transshekaralyq erekshe qorǵalatyn tabiǵi aýmaq qurýdy usyndy.
Qazaqstan men Reseidiń tabiǵatty qorǵaý vedomstvolarynyń basshylary kiikterdiń popýliatsiiasyn saqtaý máselelerin talqylady.
