Parlament Senatynyń jalpy otyrysynda «2006 jylǵy 3 qazandaǵy QR Úkimeti men RF Úkimeti arasyndaǵy Qazaqstannyń jáne Reseidiń shekara mańyndaǵy aýmaqtary turǵyndarynyń Qazaqstan-Resei memlekettik shekarasyn kesip ótý tártibi týraly kelisimge ózgerister engizý týraly hattamany ratifikatsiialaý týraly» Zańy qabyldandy, dep habarlaidy "Ult aqparat".
Kelisimniń 3-qosymshasynda kórsetilgen Shekara mańyndaǵy aýmaqtarda turatyn Qazaqstan men Resei azamattarynyń shekarany kesip ótýi úshin jaramdy qujattar tizbesine ózgerister engizilip otyr. Qoldanystaǵy kelisimge sáikes, shekarany kesip ótý kezinde Qazaqstan azamattarynyń ózimen birge jeke kýáligi nemese tólqujaty, sondai-aq azamattardy tirkeý kitabynan kóshirme bolýy qajet. 2011 jyldan bastap Qazaqstanda azamattardy azamattardy tirkeýdi esepke alý kitaby alynyp tastaldy. Osyǵan bailanysty hattamanyń 1-babymen ózgerister engiziledi, oǵan sáikes jeke kýálikke shekara mańyndaǵy aýmaqtyń eldi mekeninde turaqty turǵylyqty jeri boiynsha tirkelgenin rastaityn, ýákiletti memorgan bergen qujat (mekenjai anyqtamasy) qosa usynylýy tiis.
«Qazaqstannyń ishki zańnamasynda azamattardy tirkeý kitabynyń kúshin joiýyna jáne mekenjai anyqtamasynyń engizýine orai atalǵan kelisimge tiisti ózgerister engizý qajettigi týyndady. Qazirgi ýaqytta aýyldyq aýmaqtardyń barlyq ákimderinde internet jelisin qoldaný arqyly mekenjai kýáligin beretin múmkindigi bar. Osyǵan bailanysty bul hattamany qabyldaý Qazaqstan-Resei memlekettik shekarasynyń mańyndaǵy aýmaqtarynda turatyn Qazaqstan azamattarynyń ótý úderisin jeńildetýge jáne tártipke keltirýge múmkindik beredi», - dedi QR Syrtqy ister ministriniń mindetin atqarýshy Marat Syzdyqov.
Eki el arasyndaǵy shekara 7 500 shaqyrymnan asady jáne álemdegi eń uzyn shekaralardyń biri bolyp sanalady. Qazirgi ýaqytta Qazaqstan-Resei shekarasynda 51 ótkizý beketi bar. Olardyń 30-y avtokólik, 20-sy temirjol jáne taǵy bireýi ózen arqyly iske asyrylady.
Aita keteiik, Resei tarapy 2019 jyly 12 sáýirde hattamanyń kúshine enýi úshin qajetti memleketishilik rásimder aiaqtalǵanyn habarlady.
