Baspasóz máslihatynda qazaqstandyq jýrnalist Resei syrtqy ister ministriniń mindetin atqarýshy Sergei Lavrovtan Siriia jáne Iraktan áielder men balalardy qaitarý boiynsha Qazaqstan áreketin baǵalaýdy surady, – dep habarlaidy Sputnik Qazaqstan.
"Men buny azamattar aldynda óz mindetterin oryndaý úshin kez kelgen egemen memleket qabyldaýǵa quqyǵy bar áreket retinde baǵalaimyn. Biz de osyndai máselelermen ainalysamyz. Bizde ózimizdiń áskeri qyzmetkerlerimiz, arnaiy qyzmetterimiz, bala quqyǵy jónindegi ókil balalarymyzdy Irak pen Siriiadan qaitarýmen ainalysady. Biz qazaqstandyq áriptesterimizben tájiribe almastyq», - dep jaýap berdi Lavrov.
Syrtqy ister ministriniń mindetin atqarýshy óz azamattaryna qatysty osyndai is-qimyldy Ózbekstan da qolǵa ala bastaǵanyn aitty.
"Sodyrlar - bul jeke másele. Biraq áielder men balalarǵa kelsek, áielderdiń kóbi aldanyp, óz erkimen kelmegen. Al balalar múldem esh kináli emes. Olardyń qalypty ortaǵa qaityrylyp, lańkesterdiń radikaldy ideialarynyń yqpalynan tys jerde durys adam bolyp óskenin qalaimyz", - dedi Sergei Lavrov.
Qazaqstannyń ulttyq qaýipsizdik komitetiniń málimetine sáikes, 2019 jyly Siriia men Iraktan 277 eresek pen 547 bala qaitarylǵan.
