Qazaqstan Prezidenti Qasym-Jomart Toqaev Aýǵanstan Prezidenti Ashraf Ǵanimen kezdesti, dep habarlaidy "Ult aqparat" Aqordaǵa silteme jasap.
Áńgimelesý barysynda memleketter basshylary saýda-ekonomikalyq, kólik-logistikalyq, gýmanitarlyq salalardaǵy ekijaqty yntymaqtastyqtyń qazirgi ahýaly men ony nyǵaitýdyń perspektivalaryn talqylady. Sonymen qatar óńirlik jáne halyqaralyq kún tártibindegi ózekti máseleler jóninde pikir almasty.
Memleket basshysy Aýǵanstandy elimizdiń senimdi seriktesi ári tatý kórshisi retinde atap ótti. Qasym-Jomart Toqaev Ashraf Ǵaniǵa jaqyn arada Qazaqstan Respýblikasynyń Aýǵanstan boiynsha arnaiy ókili laýazymy bekitiletinin aitty.
Aýǵanstan Prezidenti ekijaqty yntymaqtastyqtyń damýyn joǵary baǵalap, Qazaqstanmen saýda-ekonomikalyq bailanystardy odan ári keńeitýge múddeli ekenin aitty.
