Qazaqstan Prezidenti Qasym-Jomart Toqaev qaýipsizdik jónindegi 56-shy Miýnhen konferentsiiasynyń aiasynda Ekonomikalyq yntymaqtastyq jáne damý uiymynyń Bas hatshysy Hose Anhel Gýrriamen kezdesý ótkizdi, dep habarlaidy "Ult aqparat" Aqordaǵa silteme jasap.
Taraptar Qazaqstan men Ekonomikalyq yntymaqtastyq jáne damý uiymy arasyndaǵy bailanystardyń qazirgi ahýaly men damý perspektivalaryn talqylady.
Qasym-Jomart Toqaev Qazaqstannyń Ekonomikalyq yntymaqtastyq jáne damý uiymynyń standarttaryn engizýge, saiasi jáne ekonomikalyq reformalardy júzege asyrý barysynda atalǵan bedeldi uiymmen belsendi yqpaldastyqty jalǵastyrýǵa basa mán beretinin aitty.
Ekonomikalyq yntymaqtastyq jáne damý uiymynyń Bas hatshysy Qazaqstanmen aradaǵy kóp jylǵy tabysty yntymaqtastyǵyn joǵary baǵalady. Hose Anhel Gýrria Qasym-Jomart Toqaevtyń biylǵy 24 qańtardaǵy Qazaqstan Úkimetiniń keńeitilgen otyrysynda sóilegen sózine erekshe mán berip, onda Ekonomikalyq yntymaqtastyq jáne damý uiymynyń usynystary men keńesteri eskerilgenin aitty.
