Erteń elordadaǵy Oqýshylar saraiynda QR Prezidenti Nursultan Nazarbaevtyń atynan jańajyldyq shyrsha ótedi. Bul jaiynda Astana qalalyq bilim basqarmasynan málim etti, dep habarlaidy QazAqparat.
«Is-sharaǵa 200 bala qatysady. Onyń ishinde: 26 - jetim, 43 - ata-anasynyń qamqorlyǵynsyz qalǵan bala, 5 - erekshe qabiletteri bar balalar, 126-y az qamtylǵan otbasynan shyqqan balalar. Merekelik baǵdarlama aiasynda balalardy ertegi álemindegi keiipkerlerdiń qatysýymen shoý-qoiylymdar, jańajyldyq jáne Qazaqstan Respýblikasy Prezidenti Nursultan Nazarbaevtyń videoquttyqtaýy kútetin bolady», - delingen basqarma aqparatynda.
Al 23 jeltoqsanda atalǵan Oqýshylar saraiynda Astana qalasy ákimi Áset Isekeshevtiń atynan Jańa jyldyq shyrsha uiymdastyrylady.
Oǵan 300 bala qatysady. Merekelik baǵdarlama aiasynda balalardy ertegi álemindegi keiipkerlerdiń qatysýymen shoý-qoiylymdar, jańajyldyq syilyqtar kútedi. Balalarǵa «EKSPO-2017» kórmesi aýmaǵynda ornalasqan «Nur Álem» sferasyna ekskýrsiia jáne estelik fotoǵa túsý sharalary josparlanǵan.
