Almaty qalasynyń ákimi Baqytjan Saǵyntaev Memleket basshysy Qasym-Jomart Toqaevqa «Almaty – 2050» damý strategiiasynyń jobasyn tanystyrdy, dep habarlaidy "Ult aqparat" Aqordaǵa silteme jasap.
Atalǵan baǵdarlama boiynsha Almaty qalasyn áleýmettik-ekonomikalyq turǵydan damytý, investitsiia tartý, jańa jumys oryndaryn ashý, turǵyndardyń turmysyn jaqsartý, qaýipsiz qala qalyptastyrý, shahardyń shetkeri aimaqtarynyń infraqurylymyn damytý jáne basqa da kóptegen mańyzdy máseleler atqarylady. Sondai-aq Almaty aglomeratsiiasy aýmaǵynyń damý barysy da qarastyrylǵan.
Qasym-Jomart Toqaev baspana kezeginde turǵan, Balalar úiiniń 12 tárbielenýshisine páter kiltterin tabys etti.
– Barshańyzǵa jańa qonystaryńyz qutty bolsyn! Baspana máselesi árdaiym memlekettiń nazarynda bolady. Eńbekterińiz tabysty bolsyn! – dedi Memleket basshysy.
Jalpy Almaty qalasynyń «Kókqainar» yqsham aýdanynda «Nurly jer» baǵdarlamasy boiynsha baspanaǵa muqtaj osyndai 51 adamǵa turǵyn úi salynyp jatyr.
