Qazaqstan Prezidenti Qasym-Jomart Toqaev Amerika Qurama Shtattaryna saparmen barady. Bul týraly búgin Ortalyq kommýnikatsiialar qyzmetindegi brifingte QR Prezidentiniń baspasóz hatshysy Berik Ýáli aitty, dep habarlaidy "Ult aqparat".
«Memleket basshysy Qasym-Jomart Toqaevtyń shet elderge, óńirlerge saparyna qatysty aitar bolsam, kelesi aptada eki óńirge – Soltústik Qazaqstan jáne Aqmola oblystaryna sapary aldyn ala josparlanǵan. Ýaqytyn qosymsha habarlaimyz», - dedi Berik Ýáli.
QR Prezidentiniń baspasóz hatshysy Qasym-Jomart Toqaevtyń AQSh-qa sapary josparlanyp otyrǵanyn da aitty. Osy oraida Prezident kómekshisi Murat Nurtileýov Amerikaǵa saparǵa qatysty keibir derektermen bólisti.
«Ózderińiz bilesizder, syrtqy saiasatta óte belsendi jumys jalǵastyryp kelemiz, sabaqtastyq, jańa bastamalar bar. Kelesi aptada Qasym-Jomart Kemelulynyń BUU Bas assambleiasynyń 74-sessiiasyna qatysýy josparlanǵan. Onyń barysynda Memleket basshysy klimattyq sammitke qatysady. Sodan keiin turaqty damý jónindegi joǵary deńgeidegi sammitke qatysatyn bolady. Sonymen qatar bizdiń josparda Niý-Iorkke barǵan kezde birneshe amerikalyq isker toptarmen tiisti kezdesýler bar», - dedi ol.
