Sýret: polisia.kz
Politsiia qyzmetkerleri qarasha aiynyń sońǵy on kúndiginde qyzmettiń kúsheitilgen nusqasyna aýystyryldy, – dep habarlaidy Polisia.kz.
"Saiajailarda, qurylys obektilerinde, bazarlarda, sharýa qojalyqtarynda, jaldamaly páterlerde, shalǵai jerlerde tekserý júrgiziledi.
Alkogoldi ishimdik ishý, qoǵamdyq oryndarda mas kúide júrý, belgilenbegen jerlerde temeki shegý, usaq buzaqylyq jasaý, ortaq paidalaný oryndaryn lastaý, tynyshtyqty buzý, otbasylyq-turmystyq qatynastar salasyndaǵy quqyq buzýshylyqtarǵa jol berý syndy tártip buzýshylyqtarǵa “múldem tózbeýshilik” qaǵidaty qoldanylady.
Qorǵaý nusqamasy shyǵarylǵan, minez-qulqyna erekshe talaptar qoiylǵan, IIO esebine alynǵan adamdar, maskúnemder, nashaqorlar, qolaisyz otbasylar arasynda quqyq buzýshylyqtardyń aldyn alý boiynsha reidter júrgiziledi" - delingen IIM baspasóz qyzmeti habarlamasynda.
Vedomstvo málimetinshe, jol júrisi qozǵalysy máselesine de baqylaý kúsheitildi.
"Stihiialyq qoqys oryndaryn jáne olardyń shyǵý kózderin anyqtaý boiynsha sharalar qabyldanyp jatyr. Is-shara jergilikti atqarýshy organdarmen, “Amanat” partiiasynyń óńirlik filialdarymen, úkimettik emes uiymdardyń, jastar qozǵalystarynyń jáne BAQ ókilderimen ózara is-qimyl aiasynda ótkiziledi" - delingen habarlamada.
Operatsiianyń negizgi baǵyty – qoǵamdyq tártipti saqtaýdy jáne kóshelerdegi profilaktikany kúsheitý.
"Ár qyzmetker zań atynan naqty áreket etýi kerek. Azamattarmen sypaiy bolýdy umytpaý qajet. Zań bárine birdei", – dep atap ótti Ishki ister ministri Erjan Sadenov.
