Palestina eliniń Densaýlyq saqtaý ministrligi Qazaqstannan meditsinalyq kómek aldy, dep habarlaidy "Ult aqparat" vedomstvonyń baspasóz qyzmetine silteme jasap.
Palestinanyń Densaýlyq saqtaý ministrligi osy aptada Qazaqstannan Ramalla qalasyna kelip jetken gýmanitarlyq kómek partiiasyn alǵanyn rastady. Bul týraly Palestinanyń densaýlyq saqtaý ministri Mai ál-Kalla málimdedi.
Ol Qazaqstan Úkimetine COVID-19 pandemiiasymen kúres júrgizýge septigin tigizetin kómegi úshin alǵysyn bildirdi. Palestinalyq tarapqa jiberilgen júk Qazaqstannyń Aziiadaǵy ózara is-qimyl jáne senim sharalary jónindegi Keńeske tóraǵalyq etýiniń aiasynda kórsetilgenin atap ótý kerek. Palestinadan bólek, Irak pen Aýǵanstan elderine kómek kórsetilgen. Demeýshisi - «HALYK» qaiyrymdylyq qory.
Syrtqy ister ministriniń birinshi orynbasary Shahrat Nuryshevtiń buǵan deiin atap ótkenindei, Qazaqstan dostastyq elderine Aziiadaǵy ózara is-qimyl jáne senim sharalary jónindegi Keńes «Epidemiologiialyq qaýipsizdik, qoǵam densaýlyǵyn saqtaý jáne farmatsevtika» jańa senim sharasy aiasynda bólgen.
«Bul halyqaralyq qaýymdastyqtaǵy ózara qoldaýdyń erekshe qajettiligin tanytyp otyr», - dep atap ótti Sh.Nuryshev.
AÓSShK – bul Aziia memleketterinde beibitshilik, turaqtylyq jáne qaýipsizdikti qamtamasyz etý maqsatynda ózara qatynastar men aimaqtyq yntymaqtastyqty nyǵaitýǵa baǵyttalǵan halyqaralyq forým. Búginde onyń quramyna 27 múshe memleket kirip otyr. Ótken jyldyń qyrkúiek aiynda Qazaqstan uiymnyń tóraǵasy bolyp sailandy.
