© AFP 2022 / Abdul Majeed
Memleket basshysynyń tapsyrmasy boiynsha QR Úkimeti Pákistan Islam Respýblikasyna adam ólimine ákep soqqan nóser jańbyr men sý tasqyny saldaryn joiý úshin 400 myń dollar mólsherinde gýmanitarlyq kómek kórsetedi, dep habarlaidy "Ult aqparat" primeminister.kz saityna silteme jasap.
Bul másele Premer-Ministrdiń birinshi orynbasary Roman Skliardyń tóraǵalyǵymen gýmanitarlyq kómek kórsetý jónindegi komissiianyń otyrysynda qaraldy.
Resmi málimetter boiynsha, Pákistanda tabiǵi apattan 1033 adam qaza boldy (onyń ishinde - 343 bala), sondai-aq turǵyn úiler men infraqurylym qirady. Shamamen 35 mln adam baspanasyz jáne azyq-túliksiz qalǵan.
Aita keteiik, 27 tamyzda Pákistan Premer-Ministri Sh. Sharif halyqaralyq qaýymdastyqtan kómek surady.
28 tamyzda QR Prezidenti Qasym-Jomart Toqaev Pákistan Prezidentine sý tasqyny saldarynan adamdardyń qaza bolýyna bailanysty kóńil aitty.
