Qazaqstan N-145M áskeri tikushaqtaryn shyǵarýdy josparlap otyr. Bul týraly qarýlaný salasyndaǵy yntymaqtastyq jónindegi Qazaqstan-Frantsiia komissiiasynyń VIII otyrysynda aityldy, dep habarlaidy "Ult aqparat".
QR Tsifrlyq damý, qorǵanys jáne aeroǵarysh ónerkásibi ministrliginiń baspasóz qyzmetinen málim etkendei, áskeri tikushaqtar «Eýrokopter Qazaqstan injiniring» JShS bazasynda shyǵarylady. Buǵan deiin Qazaqstanda, tipti Ortalyq Aziia elderinde áskeri tikushaq shyǵarylǵan emes.
Otyrysta QR Qarýly Kúshteri jáne úshinshi elder úshin de qarý men áskeri tehnikanyń perspektivaly túrlerin óndirýge tehnologiialar transferti men investitsiialardy arttyrýǵa basty nazar aýdaryldy.
Otyrysta QR Qarýly Kúshteri jáne úshinshi elder úshin de qarý men áskeri tehnikanyń perspektivaly túrlerin óndirýge tehnologiialar transferti men investitsiialardy arttyrýǵa basty nazar aýdaryldy.
QR Tsifrlyq damý, qorǵanys jáne aeroǵarysh ónerkásibi birinshi vitse-ministri Talǵat Janjúmenovtiń tóraǵalyǵymen ótken komissiia jumysyna Qazaqstannyń memlekettik organdary jáne qorǵanys salasyndaǵy kásiporyndarynyń ókilderi, Frantsiianyń Nexter, Safran, Thales, Airbus syndy onnan astam qorǵanys kásiporyndarynyń ókilderi qatysty. Frantsýz delegatsiiasyn Frantsiia Qarýly kúshteri ministrliginiń ókili, qarýlaný general-injeneri Toma Lern bastap keldi.
Eki kúnge sozylǵan jumystyń nátijesinde Safran kompaniiasymen Resei jáne Eýropa tikushaqtary úshin sholý júielerin qurastyrý, SÝ-30SM tikushaqtaryna arnalǵan aviatsiialyq elektronikalar óndirisin uiymdastyrý jáne olarǵa servis qyzmetterin kórsetý týraly kelisimderge qol jetkizildi.
Taraptar áskeri-tehnikalyq saladaǵy ózara tiimdi yntymaqtastyqty odan ári keńeitýge, ózara investitsiialardy tartýǵa kelisip, hattamaǵa qol qoidy.
«Eýrokopter Qazaqstan injiniring» JShS - Qazaqstan Respýblikasy Prezidentiniń tapsyrmasymen 2011 jyly qurylǵan birlesken kásiporyn. Tikushaqtardy qurastyrý jobasy paritettik negizde iske asyrylady: onyń basynda «Qazaqstan injiniring» Ulttyq kompaniiasy» AQ men «Airbus Helicopters» zaýyty tur. Birlesken kásiporynnyń maqsaty - óńir elderiniń tikushaq tehnikasyna degen suranysyn qamtamasyz etý.
