Foto: ashyq derekkóz
Qazaqstan musylmandarynyń tuńǵysh Bas múftii Rátbek qajy Nysanbaiuly 85 jasynda ómirden ótti, dep habarlaidy Ult.kz.
Sýyt habardy jazýshy, dintanýshy Beibit Saparaly málim etti.
«Erejep aiynyń sońǵy juma kúninde, miǵraj keshi ótken soń Qazaq Eliniń táýelsizdik alǵannan keiingi tuńǵysh bas múftii, QMDB-nyń eń alǵashqy tóraǵasy Rátbek qajy Nysanbaiulynyń (1940-2026) bul páni jalǵandaǵy sońǵy demi úzilip, rabbysyna qaitypty», - dep jazdy Beibit Saparaly.
Rátbek qajy Nysanbaiuly 1940 jyly 14 qarashada dúniege kelgen. Kórnekti dini qairatker. Qazaqstan musylmandarynyń tuńǵysh bas múftii. Qazaq memlekettik sáýlet-qurylys akademiiasynyń qurmetti professory, belgili ǵalym.
Buharadaǵy "Mir-Arab" medresesin jáne Buhar pedagogikalyq institýtyn bitirgen. Liviia ýniversitetinde dini bilim alǵan.
Ashyq derekkózderde ol bas múfti bolǵan kezde elimizdegi meshitter sany 1,5 myńǵa deiin kóbeigeni aitylady. Almatyda Bas meshit salyndy. Onyń bastamasymen Islam ýniversiteti, Jambyl oblysynyń Merki aýylynda medrese ashyldy, "Islam álemi" jáne "Shapaǵat-Nur" dini jýrnaldar shyǵa bastady.
