2022 jyldyń qańtar-mamyr ailarynda Qazaqstan 28,75 mln tonna munai eksporttaǵan. Onyń 27,814 mln tonnasy nemese 97%-y Reseidiń teńiz porttary arqyly syrtqa shyǵarylǵan, dep habarlaidy QazAqparat.
Bul týraly QR Energetika ministrliginiń baspasóz qyzmeti redaktsiianyń resmi saýalyna joldaǵan jaýabynda aitty.
«Munai men gazdyń analitikalyq ortalyǵy» AQ-nyń deregi boiynsha 2021 jyly Kaspii qubyr konsortsiýmy arqyly 53,1 mln tonna Qazaqstan munaiy eksporttalǵan. Al 2022 jylǵy qańtar-mamyr aralyǵynda KQK arqyly 23,76 mln tonna Qazaqstan munaiy eksporttaldy», - dep jazylǵan jaýapta.
Vedomstvo bergen derekke súiensek, jyldyń alǵashqy 5 aiynda Qazaqstan Kaspii qubyr konsortsiýmynan basqa reseilik teńiz porttary 4 mln tonnadan astam munai eksporttaǵan.
«Munai men gazdyń analitikalyq ortalyǵy» AQ-nyń málimeti boiynsha 2022 jylǵy qańtar-mamyr aralyǵynda 28,75 mln tonna munai eksporttaldy. Onyń ishinde 27,814 mln tonna munai (eksportqa shyǵarylǵan munaidyń shamamen 97%-y) Reseidiń teńiz porttary arqyly syrtqa jóneltildi», - dep jazady ministrlik mamandary.
Sondai-aq, ministrlik ókilderi Qazaqstannyń eksporttalatyn munai baǵasyn kóterýge nietti ekeni týraly taraǵan málimetke pikir bildirdi.
«Álemdik saýda naryqtarynda munai baǵasyn naryq belgileidi jáne ol Plats, Argýs, Refinitiv siiaqty táýelsiz halyqaralyq agenttikteri belgilegen mejeniń negizinde qalyptasady», - delingen ministrliktiń jaýabynda.
