2021 jyldyń 29 sáýirinde Nur-Sultan jáne Kiev qalalarynda onlain rejimde Y. Altynsarin atyndaǵy Ulttyq bilim akademiiasy men Ýkraina Ulttyq pedagogika ǵylymdary akademiiasy arasyndaǵy ózara yntymaqtastyq týraly Memorandýmǵa qol qoiyldy, dep habarlaidy "Ult aqparat".
Atalǵan qujatta taraptar ǵylymi-pedagogikalyq potentsialdy arttyrý, bilim berý júiesine zamanaýi pedagogikalyq jáne psihologiialyq tehnologiialardy engizý, mádenietaralyq tárbie, salystyrmaly pedagogika problemalaryn zertteý, bilim berýdegi ǵylymi zertteýlerdiń nátijelerin saraptaý taǵy basqa ózekti máseleler qarastyrylǵan.
Qujatqa Y. Altynsarin atyndaǵy UBA prezidenti Ǵani Bektaiuly Beisembaev pen Ýkraina UPǴ Akademiiasynyń prezidenti Vasil Grigorovich Kremen qol qoidy.
Jiyn barysynda Ýkraina UPǴ Akademiiasynyń prezidenti V.G. Kremen «qazaq álipbiiniń latyn grafikasyna kóshý – bilim berýdi internatsionaldaý isinde úlken strategiialyq qadam» dep baǵalady.
Bul rette Y. Altynsarin atyndaǵy Ulttyq bilim akademiiasy úlesin erekshe atap ótti.
Y. Altynsarin atyndaǵy UBA jáne Ýkraina UPǴ Akademiiasynyń prezidentteri Ǵ. Beisembaev, V.G. Kremen aldaǵy ýaqytta ózara yntymaqtastyqtyń nátijeli bolatynyna senim bildirdi.
Atalǵan mańyzdy is-shara QR Táýelsizdiginiń 30, aǵartýshy - ustaz Y. Altynsarinniń 180 jáne Ulttyq bilim akademiiasynyń 100 jyldyq mereitoilary aiasynda ótkizildi.
