Qazaqstan men reseilik Sberbank tsifrlandyrýǵa qatysty kelisimshartqa jyl sońyna deiin qol qoiýy múmkin, dep málimdedi Reseidiń Qazaqstandaǵy elshisi Aleksei Borodavkin. Bul týraly Sputnik Qazaqstan habarlady.
2021 jyldyń qyrkúieginde Qazaqstan úkimeti reseilik Sber tobymen memorandýmǵa qol qoidy. Bul memorandým respýblikanyń tsirflyq transformatsiiasy, tsifrlandyrý jáne tujyrymdamanyń Data Driven Government platformalyq úlgisine kóshý boiynsha jobalardy júzege asyrý aiasyndaǵy yntymaqtastyqqa qatysty.
"Reseilik Sberbankpen yntymaqtastyq nátijesinde Qazaqstannyń tsifrlyq egemendigi Reseidiń qolyna óte me dep qaýiptengen qazaqstandyqtardy sabyrǵa shaqyrǵym keledi. Mundaiǵa jol berilmeidi, senińizder", - dedi "Habar 24" telearnasyna bergen suhbatynda Borodavkin.
Ol bastapqy kod Qazaqstannyń ózine beriletinin, serverler Qazaqstanda ornalasatynyn jáne sáikes jumystarǵa qazaqstandyq IT-kompaniialar tartylatynyn málimdedi. Munyń barlyǵy respýblikanyń tsifrlyq táýelsizdigin qamtamasyz etedi.
"Jyl sońyna deiin Qazaqstan men Sber arasyndaǵy sáikes kelisimshartqa qol qoiylady dep úmittenemin", - dedi diplomat.
