Foto: polisia.kz
Politseiler internet-alaiaqtyq jasady degen kúdikke ilingen 15 adamnan turǵan qylmys tobyn ustady. Olar Qazaqstan men Resei azamattary, - dep habarlaidy Tengrinews.kz tilshisi Polisia.kz saityna silteme jasap.
13-22 maýsym aralyǵynda páterin satqan Almaty turǵyny alaiaqtar ailasyna túsip qaldy. Ol satylymnan túsken 23 million teńgeni birneshe transhpen alaiaqtardyń esepshotyna aýdarǵan. Jábirlenýshi 24 maýsymda quqyq qorǵaý organdaryna júgingen.
Almaty qalasy PD Almaly aýdany Politsiia basqarmasynyń deregine sáikes, QR QK 190-baby 4-bóliginde ("Asa iri mólsherdegi alaiaqtyq") kózdelgen qylmystyq quqyq buzýshylyq quramynyń belgileri boiynsha sotaldy tergeý bastaldy.
Sol kúni tergelip jatqan is aiasynda IIM Kriminaldyq politsiia departamenti men Almaty PD tájiribeli qyzmetkerlerinen arnaiy jedel-tergeý toby quryldy. Jedel-izdestirý jáne tergeý is-sharasy barysynda Qazaqstannyń túrli qalasynda turatyn jalǵan tulǵalarǵa rásimdelgen 10-ǵa jýyq bank kartasy paidalanylǵany anyqtaldy.
QR IIM Kiberqylmyspen kúres basqarmasy jedel qyzmetkerleri Pavlodar oblysy jáne Almatydaǵy áriptesterimen birlesip, 15 adamnan turǵan qylmys tobyn ustady. Olar internet jelisinde alaiaqtyq jasady degen kúdikke ilindi. Bes qatysýshyǵa qatysty "tutqynǵa alý" bultartpaý sharasy tańdaldy. Qazir top músheleri internettegi alaiaqtyqtyń alty epizodyna qatysy bolýy múmkin ekeni anyqtaldy, keltirgen zalal quny 106 million teńgeden asady.
