Qazaqstan men Resei syrtqy saiasi vedomstvolarynyń basshylary halyqaralyq jáne aimaqtyq yntymaqtastyqtyń ózekti máselelerin talqylap, sondai-aq eki eldiń Astrahan jáne Oral qalalaryndaǵy konsýldyqtarynyń statýsyn kóterýge kelisti, dep habarlaidy "Ult aqparat".
Búgin Máskeý qalasyna jasaǵan sapary barysynda QR Syrtqy ister ministri Muhtar Tileýberdi reseilik áriptesi Sergei Lavrovpen eki jaqty kezdesý ótkizdi. Taraptar saiasi jáne ekonomikalyq salalardaǵy eki jaqty yntymaqtastyqtyń qazirgi jaǵdaiy men bolashaǵyn talqylap, halyqaralyq kún tártibiniń mańyzdy máseleleri boiynsha pozitsiialaryn ekshedi jáne aimaqtyq jáne jahandyq qaýipsizdikti qamtamasyz etýge, sondai-aq koronavirýs infektsiiasynyń taralýyna qarsy kúreske baǵyttalǵan kúshti úilestirýge qyzyǵýshylyq bildirdi.
Ministr M.Tileýberdiniń kezdesý qorytyndylary boiynsha málimdeýinshe, ekijaqty jáne kópjaqty strategiialyq seriktestiktiń barlyq mańyzdy máseleleri talqylandy, sonyń ishinde BUU Bas assambleiasynyń 75-jyldyǵy qarsańynda, sondai-aq elderdiń halyqaralyq jáne aimaqtyq uiymdardaǵy jumysy jaily máseleler ortaǵa salynǵan.
«Biz sondai-aq eki el arasyndaǵy saýda-ekonomikalyq yntymaqtasty talqyladyq. Qazirgi kezde Qazaqstan Kókshetaý qalasynda kezekti Aimaqaralyq yntymaqtastyq forýmyn ótkizýge daiyndalýda. Bizdiń shekara mańyndaǵy óńirlerimiz yntymaqtastyqtyń jańa joldary men bolashaǵyn talqylai alady dep oilaimyn», - dep atap ótti M.Tileýberdi.
Koronavirýsqa qarsy reseilik vaktsinanyń Qazaqstanǵa jetkizilýi týraly suraqqa jaýap bergen M.Tileýberdi tamyz aiynyń sońynda Resei tikelei investitsiialar qorymen jetkizilimderdiń kepildendirilgen kólemi týraly memorandýmǵa qol qoiylǵanyn habarlap, Qazaqstanda da vaktsina ázirlenip, ony óndiriske qosý kelesi jyldyń aqpan aiynan josparlanyp otyrǵanyn eske saldy.
Jalpy alǵanda, taraptar ministrlikter arasynda ózara yqpaldastyqty odan ári ilgeriletýge ózara nietin rastap, qazaqstandyq-reseilik qatynastardyń dástúrli joǵary deńgeiin atap ótti.
Bul turǵyda biylǵy jyldyń kúzinde Kókshetaý qalasynda eki el basshylarynyń qatysýymen ótetin Aimaqaralyq yntymaqtastyq forýmynyń mańyzdylyǵy atap ótildi. Kezdesý qorytyndylary boiynsha QR men RF-da tiisinshe Astrahan jáne Oral konsýldyqtaryn Bas konsýldyqtar dárejesine deiin kóterý týraly kelisimge qol qoiyldy.
