Qazaqstan men Resei arasyndaǵy ǵylymi yntymaqtastyq tereńdei tústi. Bul týraly Resei Ǵylym Akademiiasy Shyǵystaný institýtynyń aǵa ǵylymi qyzmetkeri Igor Savin aitty, dep habarlaidy QazAqparat.
«Áriptesterimniń kópshiligi atap ótkendei, ótken jyl qiyn ári ǵylymi óndiris úshin barynsha sátsiz boldy. Erkin saparlaý, ekspeditsiiaǵa shyǵý múmkinshiligi tyiyldy. Ýaǵdalasyp qoiǵan birneshe konferentsiiany ótkizý rejimi buzyldy. Degenmen, onyń bárin tez arada onlain rejimge kóshire aldyq. 2020 jylǵy ekspeditsiialar 2021 jylǵa aýystyryldy. Osy jyldyń tamyzynda Ońtústik Qazaqstanda ótken ekspeditsiiaǵa qatysý múmkindigine ie boldym. Syn-tegeýirinder men sol bir faktorlardyń, sońǵy jyldary týyndaǵan kóptegen suraqtardyń arqasynda yntymaqtastyǵymyzdyń tereńdei túskenin atap ótken jón. Buǵan deiin talqylanbaǵan jańa taqyryptar men ádister týyndap jatyr», - dedi ol Sputnik Qazaqstan aqparat agenttiginiń Facebook paraqshasynda ótken videokópir barysynda.
Reseilik ǵalym 2021 jyldyń 30 sáýirinde Qazaqstannyń Reseidegi Elshiligi men RF ǴA Shyǵystaný institýtynyń bastamasymen úlken konferentsiia uiymdastyrylǵanyn atap ótti.
«Sol jerde jańa kezeńde turǵanymyz jáne jańa syn-tegeýrinderge daiyn ekenimiz aityldy. Bul synaq barlyq ýaqytta narrativter qalyptastyrýǵa ońtaily bola bermeidi. Degenmen, qazaqstandyq seriktestermen osy syn-tegeýrindi jańa kezeńde damytýǵa kómektesetin ádister taba alatynymyzǵa negiz bar», - dedi Igor Savin.
