Qazaqstan men Polsha arasyndaǵy turaqty áýe qatynasy qaita qalpyna keltiriledi, dep habarlaidy "Ult aqparat" azamattyq aviatsiia komitetine silteme jasap.
Qazaqstanda koronavirýstyń taralýyna jol bermeý jónindegi vedomstvoaralyq komissiianyń 2021 jylǵy 28 mamyrdaǵy sheshimine sáikes Qazaqstan men Polsha arasyndaǵy turaqty áýe qatynasy qaita qalpyna keltiriledi.
«Osylaisha, reister 10 maýsymnan bastap Varshava jáne Nur-Sultan qalalary arasynda aptasyna 1 reis jiiligimen «LOT Polish Airlines« poliak áýe kompaniiasymen qaita jańǵyrtylady dep josparlanyp otyr.
Varshava – Nur-Sultan – Varshava birinshi reisi osy jyldyń 10 maýsymynda oryndalady. Budan ári eki memlekettiń astanalary arasyndaǵy reister dúisenbi saiyn B – 737 tipti áýe kemesinde oryndalatyn bolady», delingen habarlamada.
Qazaqstan men Polsha arasyndaǵy reisterdiń odan ári ulǵaiýy epidemiologiialyq jaǵdaiǵa jáne vedomstvoaralyq komissiianyń tiisti sheshimderine bailanysty bolady.
Reister sanitarlyq-epidemiologiialyq talaptardy qatań saqtai otyryp jáne áýekompaniia saitynda jariialanǵan kestege sáikes jasalady.
