Qazaqstan Respýblikasynyń Premer-Ministri Asqar Mamin beinekonferentsiia bailanysy rejiminde Ózbekstan Respýblikasynyń Premer-Ministri Abdýlla Aripovpen kelissóz júrgizdi, dep habarlaidy primeminister.kz saity.
Taraptar Ózbekstan Respýblikasynyń Prezidenti Shavkat Mirzieevtiń Qazaqstanǵa jasaǵan memlekettik saparynyń jáne Qazaqstan Respýblikasynyń Prezidenti Qasym-Jomart Toqaevpen (biylǵy 6 jeltoqsan) ótken kelissózderiniń, sondai-aq Yntymaqtastyq jónindegi birlesken úkimetaralyq komissiianyń 19-otyrysynyń (biylǵy 26 qarasha) qorytyndysy boiynsha qol jetkizilgen ýaǵdalastyqtardyń iske asyrylý barysyn qarady.
Saýda-ekonomikalyq, investitsiialyq, tranzittik-kólik, aýyl sharýashylyǵy, sý-energetika, ónerkásiptik kooperatsiia, tsifrlandyrý, densaýlyq saqtaý, bilim berý, týrizm jáne basqa da salalardaǵy ekijaqty ózara is-qimyldy damytýdyń ózekti máseleleri talqylandy.
Yntymaqtastyqtyń árbir baǵyty boiynsha eki eldiń salalyq ministrlikteri men vedomstvolarynyń basshylary baiandama jasady.
Qazaqstan men Ózbekstanǵa Ortalyq Aziiadaǵy barlyq óńirlik saýdanyń 70%-ǵa jýyǵy tiesili.
2021 jyldyń 10 aiynda ekijaqty saýda kólemi $3,26 mlrd qurady, bul 2020 jyldyń sáikes kezeńindegi kórsetkishten 29,8%-ǵa joǵary.
Sondai-aq bul kórsetkish 2019 jyldyń 10 aiymen salystyrǵanda 10,6%-ǵa joǵary. QR-dan ÓR-ǵa eksport kólemi 2020 jyldyń 10 aiymen salystyrǵanda 31,6%-ǵa ulǵaiyp, $2,37 mlrd qurady.
2019 jyldyń 10 aiymen salystyrǵanda kórsetkish 34,3%-ǵa artty. Eksporttyń ósýiniń negizgi draiverleri aýyl sharýashylyǵy jáne AÓK (+17%), munai óńdeý sektory (2,2 ese), metallýrgiia (+99,3%), avtomobil jasaý (+28,3%) ónimderi boldy.
Ózara saýda kólemin qysqa merzimdi kezeńde $5 mlrd deiin jáne orta merzimdi perspektivada $10 mlrd deiin jetkizý mindeti qoiyldy.
Eki eldiń shekarasynda «Ortalyq Aziia» halyqaralyq ónerkásiptik kooperatsiia ortalyǵyn qurý jobasyn iske asyrý boiynsha jumystar júrgizilýde. QR Premer-Ministri ónerkásiptik kooperatsiia, sý energetikasy, aýyl sharýashylyǵy jáne basqa da salalardaǵy Qazaqstan-Ózbekstan yntymaqtastyǵynyń joǵary serpinin atap ótti.
Qazaqstannyń Ózbekstanmen ózara is-qimylynyń joǵary deńgeiine tranzittik kólik salasynda qol jetkizildi – temirjol infraqurylymyn – «Túrkistan – Shymkent – Tashkent» joǵary jyldamdyqty jolaýshylar magistralin jáne «Darbaza – Maqtaaral – Jizaq» temirjol jelisin damytý, avtomobil ótkizý pýnktterin jańǵyrtý jónindegi birlesken iri jobalardy iske asyrý jumystary júrgizilip jatyr.
Júk tasymaldaý úshin qolaily tariftik saiasat qalyptastyryldy.
Biylǵy jyldyń 11 aiynda QR men ÓR arasyndaǵy temirjol tasymalynyń kólemi 22,7 mln tonnany qurady. Eki eldiń qorshaǵan ortany qorǵaý, sý jáne orman sharýashylyǵy salasyndaǵy yntymaqtastyǵy damýda.
Birlesken kúsh-jigermen vegetatsiialyq kezeńde Toqtoǵul jáne Qairaqum sý qoimalarynan qosymsha sý aǵyzyldy, bul QR men ÓR aýyl sharýashylyǵy taýaryn óndirýshileriniń qajettilikterin qamtamasyz etti.
Aral teńiziniń ózekti ekologiialyq problemalaryn sheshý, búkil Aral mańynyń áleýmettik-ekonomikalyq damýyn qoldaý boiynsha birlesken jobalar iske asyrylyp jatyr.
«Jyl qorytyndysy boiynsha biz aitarlyqtai nátijelerge jáne mańyzdy ýaǵdalastyqtarǵa qol jetkizdik. Memleketterimizdiń basshylarynyń saiasi erik-jigeriniń arqasynda Qazaqstan men Ózbekstan arasyndaǵy strategiialyq áriptestik damýdyń joǵary serpinin kórsetip otyr», — dedi A.Mamin.
