Foto: QR Syrtqy ister ministrliginiń baspasóz qyzmeti
Qazaqstan men Ózbekstan memlekettik shekarany shegendeýdi aiaqtady. Bul týraly Syrtqy ister ministrliginiń resmi ókili Aibek Smadiiarov málimdedi, - dep habarlaidy "Ult aqparat" vedomstvonyń baspasóz qyzmetine silteme jasap.
"4 shildede Qazaqstan Respýblikasy men Ózbekstan Respýblikasy arasyndaǵy Qazaqstan-Ózbekstan memlekettik shekarasyn shegendeý týraly shart kúshine endi. Shartqa 2022 jylǵy 22 jeltoqsanda Tashkent qalasynda eki memleket basshylary qol qoiǵan" - dedi ol.
Smadiiarovtyń aitýynsha, sharttyń kúshine enýi Qazaqstan men Ózbekstan arasyndaǵy memlekettik shekarany halyqaralyq-quqyqtyq shegendeýdiń 19 jyldyq protsesiniń tolyq aiaqtalýyn bildiredi.
"Bul oqiǵanyń aldynda Birlesken Qazaqstan-Ózbekstan shegendeý komissiiasy sheńberinde ótken kelissózderdiń 100 raýndy boldy. Uzyndyǵy 2357 km shekara syzyǵy 1301 shekaralyq belgimen belgilenip, kólemi 8000 paraqtan astam shegendeý qujattarda kórsetilgen.
Osy oqiǵa memlekettik shekara aýdanynda qaýipsizdik pen turaqtylyqty nyǵaitýǵa, ekijaqty, óńiraralyq jáne shekara mańyndaǵy ózara is-qimyldy tereńdetýge yqpal etedi. Sondai-aq Qazaqstan Respýblikasynyń memlekettik shekarasyn zańdy resimdeý protsesiniń ońtústik baǵytta aiaqtalýyn bildiredi" - dedi SIM resmi ókili.
