Senat "Qazaqstan Respýblikasynyń Úkimeti men Amerika Qurama Shtattarynyń Úkimeti arasyndaǵy Áýe qatynasy týraly kelisimdi ratifikatsiialaý týraly" zańdy qabyldady, dep habarlaidy Sputnik Qazaqstan.
Bul kelisim 2019 jyly 30 jeltoqsanda Nur-Sultan qalasynda rásimdelgen bolatyn. Qujatta halyqaralyq áýe tasymaldaryn oryndaityn kompaniialardyń quqyqtary jazylǵan.
Atap aitqanda:
- óz aýmaǵy arqyly qonbai ushýdy júzege asyrý;
- óz aýmaǵynda kommertsiialyq emes maqsattarda aialdaý;
- belgilengen marshrýttar boiynsha pýnktter arasynda halyqaralyq áýe tasymaldaryn júzege asyrý.
Sondai-aq Qazaqstan men AQSh áýe kompaniialary kez kelgen bir nemese eki baǵytta reisterdi júzege asyra alady. Bir ushaqpen ártúrli reister jasaýǵa bolady. Eki taraptyń áýe kemeleri kelisimde belgilengen kedendik bajdar men alymdardan bosatylady.
Kelisimde áýe kompaniialarynyń kommertsiialyq múmkindikteri de aiqyndalǵan. Olar:
- ekinshi taraptyń aýmaǵyna áýe tasymaldaryn qamtamasyz etý úshin qajetti ákimshilik, saýda, tehnikalyq jáne basqa da mamandardy jetkizý jáne sonda ustaý;
- ekinshi taraptyń aýmaǵynda jer ústinde qyzmet kórsetýdi, áýe tasymaldaryn satýdy derbes júzege asyrý.
Kelisimge sáikes, árbir tarap eki taraptyń áýe kompaniialaryna naryqtaǵy kommertsiialyq paiymdaýlar negizinde áýe tasymaldaryna baǵa belgileýge múmkindik beredi.
Sondai-aq taraptardyń áýe kompaniialary arasyndaǵy adal básekelestik, daýlardy retteý jáne kelisimniń qoldanylýyn toqtatý tártibi rettelgen.
