Foto: QR OAM
Y. Altynsarin atyndaǵy Ulttyq bilim akademiiasy «Eńbek resýrstaryn damytý ortalyǵy» AQ-men birlesip oqýshylarǵa kásiptik baǵdar berýdiń «Oqýshynyń qyzyǵýshylyqtary men daǵdylarynyń ikemdi beiini» (OQDIB) tsifrlyq ádistemesin ázirledi, dep habarlaidy Ult.kz Oqý-aǵartý ministrliginiń baspasóz qyzmetine silteme jasap.
Atalǵan bastama bolashaq kásipti erte jastan sanaly tańdaýdy qalyptastyrýǵa baǵyttalǵan jáne 7-9 synyp oqýshylaryna arnalǵan. Bul ádisteme oqýshylarǵa qyzyǵýshylyqtaryn aiqyndaýǵa, qabiletterin anyqtaýǵa jáne odan ári damý úshin ońtaily baǵyttardy tańdaýǵa kómektesedi.
Ázirleme qazaqstandyq mazmunǵa beiimdelgen jáne elimiz boiynsha 10 myńnan astam oqýshy qatysqan synaqtan ótken.
«Bul qural ýniversitetterdiń 400-den astam baǵdarlamasy, kolledjderdiń 200-ge jýyq mamandyǵy men jumysshy kásipterin biriktiretin Mansap kompasy tsifrlyq platformasyna engizilgen. Platforma oqýshylardyń, pedagogterdiń jáne ata-analardyń jeke kabinetterine qol jetkizýdi qamtamasyz ete otyryp, bir tsifrlyq keńistikte júieli kásiptik baǵdarlaýdy qamtamasyz etedi. Test nátijeleri avtomatty túrde óńdeledi: oqýshylar – jeke aqyl-keńester, pedagogter – zamanaýi súiemeldeý quraldaryn, al ata-analar – balanyń damý saraptamasy men dinamikasy týraly aqparat alady», – dep atap ótti Altynsarin akademiiasynyń prezidenti Názipa Aiýbaeva.
Joba jalpy bilim beretin mektepterge zamanaýi, turaqty jáne bolashaqqa baǵdarlanǵan kásiptik baǵdarlaý júiesin qurýǵa jaǵdai jasap, árbir balaǵa bolashaq kásibi jolyn sanaly tańdaýǵa múmkindik berdi.
