Qazaqstan koronvirýstyń taralýy boiynsha qyzyl aimaqta tur. Bul týraly QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Koronavirýsqa shaldyǵý Shymkent, Almaty, Nur-Sultan qalalarynda, Aqtóbe men Almaty oblystarynda ósip jatyr. Naýqastanǵandardyń jalpy sanynyń 63 paiyzy Almaty, Nur-Sultan qalarynyń, Almaty oblysynyń turǵyndary. Almaty qalasynda aqpanda táýligine 100 jaǵdai tirkelse, sáýirde 600 jaǵdaiǵa deiin jetti. Nur-Sultan qalasynda aqpanda táýligine 100 jaǵdai bolsa, sáýirde 500 jaǵdaiǵa deiin artyp otyr», - dedi ministr Ortalyq kommýnikatsiialar qyzmetindegi brifing barysynda.
Sonymen qatar ol Almaty oblysynda koronavirýs juqtyrý kórsetkishi aqpandaǵy 70 jaǵdaidan sáýirde táýligine 270-ke jetkenin aitty.
«Epidemiologiialyq jaǵdai matritsasyna sáikes, Qazaqstan Respýblikasy bir apta boiy táýekeli joǵary, iaǵni «qyzyl aimaqta» tur. Sonymen qatar táýekeli joǵary aimaqta elimizdiń 7 óńiri bar. Olar: Almaty men Nur-Sultan qalalary, Batys, Qazaqstan, Atyraý, Aqtóbe, Aqmola, Qaraǵandy jáne Aqmola oblystary», - dedi Aleksei Tsoi.
