Qazaqstan koronavirýs infektsiiasyna qarsy vaktsina alǵandar sany boiynsha álemde 52-orynda tur. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Búginde Qazaqstan azamattaryn vaktsinatsiialaý «Spýtnik V» jáne «QazVac» vaktsinalarymen júrgizilip jatyr. Qazaqstan COVID-19-ǵa qarsy álemdik vaktsina óndirýshilerdiń ondyǵyna kirdi. Álemdik reitingke sáikes, Qazaqstan 177 eldiń ishinde koronavirýs infektsiiasyna qarsy vaktsina alǵandar sany boiynsha 52-orynda tur», - dedi ministr.
Onyń atap ótýinshe, vaktsinany jetkizý kestege sáikes, kezeń-kezeńmen júzege asyrylyp jatyr. Bul egýge jatatyn halyqtyń 20 paiyzyn vaktsinamen qamtamasyz etýge múmkindik beredi.
«Jumys jalǵasýda. Vaktsinatsiiamen qamtý eldegi epidemiologiialyq ahýaldy turaqtandyrýǵa múmkindik beredi», - dedi Aleksei Tsoi.
