QR Prezidentiniń Ekonomikalyq damý máseleleri jónindegi keńesshisi Ser Sýma Chakrabarti «Ult múddesi» baǵdarlamasynda koronadaǵdarysty Qazaqstan ekonomikasy qanshalyqty jyldam eńserip jatqany týraly pikirin bildirdi, dep habarlaidy QazAqparat.
«Sońǵy eki jyl jahan ekonomikasy úshin, sonyń ishinde Ortalyq Aziia óńiri men Qazaqstan úshin óte qiyn boldy. Biz ekonomikanyń damýy 2020 jyly 3,5% baiaýlaǵanyn bilemiz. Kóptegen jumys oryndary jabylyp qaldy. Adamdar jumysynan airylyp, onyń keri saldary birden bilindi. Densaýlyq saqtaý jáne bilim berý salalaryna tiigizgen áseri aitpasa da túsinikti. Osynyń bári meni qatty alańdatady. Óitkeni búkil bir býyndy joǵaltyp alýymyz múmkin. Sondyqtan múmkindiginshe qashyqtan oqytýdy azaitý kerek. Týrizm, qonaq úi biznesi de qatty zardap shekti. Taýarlar men qyzmetterdi jetkizýdiń jahandyq tizbegi jergilikti aýmaqpen shekteldi», - degen sarapshy Halyqaralyq valiýta qory Ortalyq Aziianyń ekonomikalyq reitingtegi múmkindikterin oń balaǵalaǵanyn eske saldy.
«Mysaly, byltyr ósim 3,3% boldy. Qazaqstannyń Ulttyq ekonomika ministri bul pessimistik boljam dep esepteidi. Ol tabys 3,6% bolady dep otyr. Árine, shaǵyn jáne orta biznestiń basyndaǵy qiyndyqtar seiile qoiǵan joq. Qazir biz olarǵa qalai kómektesýge bolatynyn oilastyryp jatyrmyz. Qazir investitsiia naryǵynda ótimdilik pen tólem qabiletiniń daǵdarysy bolyp jatyr. Eýropa qaita qurý jáne damý banki, Halyqaralyq Valiýta Qory, Aziia damý banki Ortalyq Aziiadaǵy belsendiligin qalpyna keltire bastaidy», - Ser Sýma Chakrabarti.
Degenmen, Prezident keńesshisiniń aitýynsha, Pandemiiadan týyndaǵan daǵdarystyń kezekti tolqyny bolýy múmkin.
«Pandemiia taǵy da ýshyǵýy múmkin. Aýrýdyń túrlenip jatqanyn kórip otyrsyzdar. Bul jyl saiyn vaktsinalardyń quramyn ózgertip otyrý kerek. Menińshe, Qazaqstan halyqty immýndaý oiynsha aýqymdy jumys atqardy. Vaktsinatsiia qarqynyn arttyrýdy jalǵastyrý kerek. Ekpeniń qajettigin ári qarai nasihattai bergen jón. Meniń bilýimshe, kóp uzamai QazVac-ty Dúniejúzilik densaýlyq saqtaý uiymy tirkeýge alady. Bul sizderdegi ulttyq ǵylymnyń áleýetin kórsetetin faktor», - dedi Ser Sýma Chakabarti.
