Shaibaly hokkeiden Qazaqstan erler quramasy Sapporodaǵy Aziia oiyndarynda. 22 aqpan 2017 jyl (Sýret avtory - Izturǵan Aldaýev).
Shaibaly hokkeiden Qazaqstan erler quramasy Japoniianyń Sapporo qalasyndaǵy Aziia oiyndarynda altyn aldy, - dep habarlaidy "Ult aqparat" Azattyqqa silteme jasap.
Qazaqstan hokkeishileri Qytaidy (8:0), Ońtústik Koreiany(4:0) jáne Japoniiany (7:0) jeńdi. Kúmisti Ońtústik Koreia, qolany Japoniia quramasy ielendi. Hokkeiden Qazaqstan erler quramasy 2011 jyly Astana men Almatyda ótken Aziia oiyndarynda da jeńiske jetken.
Fristaildyń mogýl túrinen Qazaqstan sportshylary Iýliia Galysheva áielder arasynda kúmis, Dmitrii Reiherd erler arasyndaǵy jarysta qola aldy.
Shańǵydan 30 kilometrlik mass-startta qazaqstandyq Sergei Cherepanov kúmis, Nikolai Chebotko qola medal ielendi.
Qazaqstan qazir 9 altyn, 11 kúmis, 12 qolamen jalpy esepte Japoniia, Ońtústik Koreia, Qytaidan keiin tórtinshi orynda keledi. Aziia oiyndary búgin, 26 aqpanda aiaqtalady.
