«Qazaqstan halqyna» Qory «Qazaqstan halqyna» QQ bilim berý granttary» qaiyrymdylyq baǵdarlamasy boiynsha granttar sanyn kóbeitý týraly sheshim qabyldady, dep habarlaidy "Ult aqparat".
Qordyń málimetinshe, bakalavriat baǵdarlamalary boiynsha stýdentter men talapkerlerge barlyǵy 2 350 grant bólinedi, al shákirtaqynyń belgilengen mólsheri – 40 myń teńge.
Bastapqy kezde 360 grant bólý josparlanǵan bolatyn, biraq ótinishter sanynyń kóp bolýyna bailanysty granttar sany kóbeigen.
Bilim berý grantyna úmitkerlerdi irikteý kriteriilerimen Qordyń saitynda tanysýǵa bolady: qazaqstanhalqyna.kz
«Qazaqstan halqyna» QQ bilim berý granttary» qaiyrymdylyq baǵdarlamasyn iske asyrý sheńberinde talapkerler men stýdentterden granttar alýǵa ótinimder qabyldaý bastaldy.
Talapkerler úshin bilim berý granttary men shákirtaqylarynyń sany árbir JJOKBU-ǵa 10 grantqa deiin, ulttyq JJOKBU úshin 20 grantqa deiin kóbeitildi.
Qordyń 2022-2023 oqý jylynyń talapkerlerine arnalǵan bilim berý granttary men stipendiialarynyń jalpy sany – 850. Qor bakalavriat baǵdarlamalary boiynsha memlekettik nemese ózge qandai da bir grant almaǵan kelesi sanattyń:
- aýyldyq jerlerdiń az qamtylǵan otbasylarynyń talapkerleri;
- jetim balalarǵa jatatyn jáne kámeletke tolǵanǵa deiin ata-anasynyń qamqorlyǵynsyz qalǵan talapkerleri;
- múmkindigi shekteýli, onyń ishinde múgedektigi bar talapkerleri úshin joǵary bilim alý úshin shákirtaqysy bar granttar usynady.
Bul granttar UBT-dan ótken jáne onyń nátijeleri boiynsha JJOKBU-ǵa túsý úshin qajetti ótý balyn jinaǵan talapkerlerge beriletinin atap ótý qajet.
«Qazaqstan halqyna» QQ bilim berý grantyna úmitkerler (talapkerler) tańdalǵan joǵary jáne joǵary oqý ornynan keiingi bilim berý uiymynyń (JJOKBU) qabyldaý komissiiasyna 2022 jylǵy 10-17 tamyz aralyǵynda ótinim beredi. Talapkerler arasynda «Qazaqstan halqyna» QQ grantyna úmitkerlerdi irikteýdi JJOKBU (ýniversitetter) janynda jumys isteitin qabyldaý bólimi nemese kez kelgen basqa komissiia bilim berý granttaryn iske asyrý sheńberinde júzege asyrady.
Sondai-aq JJOKBU-nyń aqyly bólimshelerinde oqityn stýdentterge «Qazaqstan halqyna» Qorynyń qarajaty esebinen oqýyn jalǵastyrýǵa múmkindik beriledi. JJOKBU-nyń aǵymdaǵa stýdentteri úshin bilim berý granttarynyń sany árbir joǵarǵy oqý ornyna kvota aiqyndalmai, 1500-ge deiin ulǵaityldy.
Konkýrsqa kelesi tulǵalar qatysa alady:
- múmkindikteri shekteýli, sonyń ishinde múgedektigi bar stýdentter;
- jetim bala sanatyna jatatyn jáne kámelettik jasqa deiin ata-anasynyń qamqorynsyz qalǵan tulǵalar;
- aýyldyq jerlerdegi jaǵdaiy tómen otbasylardan shyqqan stýdentter;
- tolyq emes otbasydan, múgedek balalardy tárbilep júrgen otbasydan shyqqan stýdentter;
- ata-anasynyń bireý nemese ekeýi de múgedektigi bar bolyp keletin stýdentter.
Bul rette «Qazaqstan halqyna» QQ-nyń granty men shákirtaqysyn alýǵa úmitkerler (aqyly toptarda oqityn stýdentter) 1-25 tamyz aralyǵynda:
- «Taiburyl» QB saitynda: taiburyl.kz
- QazMZÝ stýdentteri «QazMZÝ endaýment» korporativtik qorynyń saitynda endowment.kazguu.kz - onlain ótinim bere alady.
«Taiburyl» QB jáne «Endaýment KAZGIýÝ» KQ atalmysh baǵdarlamanyń seriktesteri bolyp tabylady, stýdentterden (JJOKBU-nyń aqyly bólimshelerinde oqityn jáne qor qarajaty esebinen oqýyn jalǵastyrǵysy keletinderden) ótinimderdi qabyldaý jáne óńdeý úshin óteýsiz óz tehnikalyq alańyn usynady, osylaisha «Qazaqstan halqyna» QQ bilim berý granttary qaiyrymdylyq baǵdarlamasyn iske asyrýda Qordyń seriktesteri bolyp tabylady. Stýdentter arasynda grantqa úmitkerlerdi irikteýdi «Taiburyl» QB jáne «Endaýment KAZGIýÝ» KQ janynda qurylǵan komissiia júzege asyrady.
Oqý quny boiynsha shekteme árbir grant alýshy stýdent úshin 1 mln. teńge mólsherin quraidy, eger stýdenttiń jyldyq oqýynyń quny 1 mln. teńgeden artyq bolsa, onda 1 mln. teńgeden asatyn aiyrmashylyqty grant alýshy stýdenttiń ózi tóleýi tiis.
Esterińizge sala keteiik, «Qazaqstan halqyna» QQ bilim berý granttary qaiyrymdylyq baǵdarlamasynda 79 bilim berý uiymy (JJOKBU) jáne bilim berý salasyndaǵy 2 qaiyrymdylyq uiymy: «Taiburyl» QB jáne «Endaýment KAZGIýÝ» KQ qatysady.
Baǵdarlamaǵa qatysatyn oqý oryndarynyń tizbesi, qabyldaý komissiialarynyń bailanys telefondary jáne tolyq aqparat «Qazaqstan halqyna» QQ saitynda jariialanǵan – qazaqstanhalqyna.kz
Qor bóletin granttar óteýsiz kómek bolyp tabylady. Soma qaitarylmaidy jáne grant alýshy oqýyn aiaqtaǵannan keiin onyń oqýyna jumsalǵan qarajatty «óteýge» mindetti emes.
Grant alýshylar qabyldaýshy ýniversitettiń akademiialyq talaptaryn ustanýy tiis jáne baǵdarlama boiy tolyq oqý kýrsynan ótýge mindetti. Bul sharttyń oryndalmaýy qarjylyq qoldaýdy toqtatýǵa negizdeme bolýy múmkin.
