Qor jol shyǵyndaryn, turýdy, mamandardy oqytýdy qarjylandyrmaq. Nusqaýshylardyń keiingi eńbegine aqy tóleýdi balalardyń ata-analarymen bailanys jasaityn jáne balalardyń damýyndaǵy tiisti damýdy qadaǵalaityn ońaltý jónindegi mamannyń tiisti baqylaýynan keiin júzege asyrady.
Jobany iske asyrýǵa 45,35 mln teńge jumsalady. Joba qordyń Sarapshylyq komitetimen (quramynda: S.J. Sápiev - Komitet tóraǵasy, Olimpiada chempiony, QR eńbek sińirgen sport sheberi; B.K. Baijanov - QR Mádeniet jáne sport ministrliginiń Sport jáne dene shynyqtyrý isteri komiteti tóraǵasynyń orynbasary, G.T. Maniýrova. - Komitet hatshysy, Olimpiada oiyndarynyń kúmis júldegeri, QR eńbek sińirgen sport sheberi; V.A. Levit - boksshy, Olimpiada oiyndarynyń kúmis júldegeri; D.R. Sadýakasova - áielder arasyndaǵy shahmattan halyqaralyq grossmeister, álem chempiony) qaralyp, qoldaý tapty.
Pilottyq óńirler retinde Atyraý, Semei, Almaty jáne Shymkent qalalary tańdaldy. Aimaqtarda 2018 jyly Nur-Sultan qalasynda Sadyq Baiymbetov negizin qalaǵan "Jas jaýynger" dene shynyqtyrý-saýyqtyrý klýbynyń tájiribesi qoldanylady.
Elordalyq klýb erekshe qajettilikteri bar balalardy ońaltý (tserebraldy sal aýrýy, Daýn sindromy, tirek-qimyl apparatynyń buzylýy), olardy jekpe-jek túrleri boiynsha sport arqyly qoǵamdyq ómirge tartý (inkliýziia).
Qurylatyn ortalyqtarda atalmysh klýbtyń ádistemesi qoldanylady. Búginde klýbta beiimdelgen sport túrlerimen (boks, armresling, karate, aýyr atletika jáne jekpe-jek) 50-den astam bala ainalysady. Klýbta ońaltý jáne jattyǵý ádisterin qoldaný arqyly uzaq ýaqyt júre almaǵan 11 balanyń alǵashqy qadamdaryn jasaýǵa múmkindik berdi. Jaqynda qordyń Basqarma tóraǵasy Bolat Jámishevtiń qatysýymen klýbtyń qatysýshylary - jeti jasar Ervin Kýrenko men Aian Baqtybaidyń tusaýy kesilip, "tusaýkeser" ulttyq rásimi júrgizildi. "Qazaqstan halqyna" qorynyń tuńǵysh "Tusaýkeser" jobasy erekshe balalarǵa alǵashqy qadam jasap, aiaǵynan turǵyzýǵa kómek beredi dep sanaimyz.
Sondai-aq, qor sirek kezdesetin (orfandyq) ómirge qaýip tóndiretin jáne sozylmaly aýrýlary bar balalarǵa ataýly kómek kórsetý týraly sheshim qabyldady.
QR Densaýlyq saqtaý ministrliginiń derekteri boiynsha sońǵy bes jylda orfandyq aýrýlary bar naýqastar sanynyń 49 paiyzǵa, onyń ishinde balalardyń - 11 paiyzǵa ósýi baiqalady (2021 jyldyń sońynda - 13426 bala). 2020 jyly dárilik zattarmen qamtamasyz etýdiń 23 paiyz, 2021 jyly - 26,8 paiyz orfandyq aýrýlary bar patsientterge tiesili.
Orfandyq aýrýlardy emdeýdegi dári-dármekterdiń quny joǵary, sonymen qatar birqatar dári-dármekter tirkelmegen. Sonymen qatar, orfandyq aýrýlardy emdeýdiń zamanaýi ádisteri olardy náreste kezinen qoldanǵanda joǵary tiimdilikti kórsetedi. Emdeýdi ýaqtyly bastaý balalardy múmkindiginshe ońaltýǵa múmkindik beredi.
Jobany qordyń Sarapshylyq komiteti qarap, maquldady (quramynda: Baiǵalieva B. – "QR orfandyq aýrýlary bar patsientterge kómek kórsetetin patsientter Qaýymdastyǵy" ZTB tóraiymy, Sarapshylyq komitetiniń tóraiymy, Taýkelova S. – "Qoǵamdyq monitoring jáne baqylaý" RQB tóraiymy, Alieva E. – "Help Today" QQ tóraiymy, Boranbaeva R. - "Pediatriia jáne balalar hirýrgiiasy ǵylymi ortalyǵy" AQ Basqarma tóraiymy, QR DSM shtattan tys bas pediatry, "S. Asfendiiarov atyndaǵy QazUMÝ" KEAQ balalar aýrýlary kafedrasynyń meńgerýshisi, m.ǵ. d., Sain A. – "DOM" QQ qamqorshylyq keńesiniń múshesi, QR Bala quqyqtary jónindegi ýákil).
Osylaisha, qor 9,7 milliard teńge somasyna 24 bala men eki eresekti julyn bulshyqetiniń atrofiiasy, Diýshenniń bulshyqet distrofiiasy aýrýlarymen dárilik qamtamasyz etý boiynsha jobany qarjylandyrady. Sonyń ishinde Qazaqstanda tirkelmegen Onasemnogen abeparvovek (Zolgensma) qymbat dárilik preparatyn julyn bulshyq et atrofiiasy bar patsientterge arnalǵan tórt bala úshin satyp alynady.
Sarapshylyq komiteti orfandyq aýrýlarmen aýyratyn naýqastardy emdeý úshin dárilik zattardy satyp alýǵa Densaýlyq saqtaý ministrligi janyndaǵy saraptamalyq-keńesshi keńestiń ózekti (merzimi ótpegen) qorytyndysy bolǵan jaǵdaida ǵana qorǵa usynymdar beredi. Qajetti qujattardyń bolmaýyna bailanysty ótinimderdiń bir bóligi qabyldanbady, alaida aldaǵy ýaqytta bul ótinimder qarastyrylýy múmkin.
