© Photo : buivuong
"Qazaqstan halqyna" qoǵamdyq qory bilim grantyna 378 million teńge kóleminde qarajat bólýdi josparlap otyr. Bul týraly qor tóraǵasy Bolat Jámishev málimdedi, dep habarlaidy Sputnik Qazaqstan agenttigi.
"Bizge oqý aqysyn tóleýden qinalyp júrgen joǵary oqý oryndarynyń stýdentterinen 1,5 myń ótinish kelip tústi. Biz olarǵa qalai kómektesýge bolatynyn oilastyryp, bir sheshimge keldik. Qamqorshylyq keńes bul baǵdarlamany aýyl mektepteriniń túlekteri, turmysy nashar otbasynan shyqqan, oqý aqysyn tóleýge qinalyp júrgen jastar úshin qabyldady. Jetim, múmkindigi shekteýli balalar da osy grantqa úmitker bola alady", – dedi Bolat Jámishev brifinnte.
Qor yntymaqtastyq ornatqan 85 joǵarǵy oqý ornynyń árqaisysyna úsh grant bóledi. Jalpy sany – 360 grant. Onyń ishinde 100 grant joǵary oqý oryndarynda bilim alyp jatqan, biraq oqý aqysyn tóleý boiynsha qinalyp júrgen stýdentterge beriledi.
"Biraq bul úmitkerlerdi osy salada jumys isteitin, stýdent jastarǵa belgili qaiyrymdylyq uiymdary irikteitin bolady", – dep túsindirdi Jámishev.
Jyl saiyn baǵdarlamanyń biýdjeti ósip, stýdentterdiń bakalavriat boiynsha tórt jyl oqýyna esepteletin bolady.
Eske salsaq, ótken aptada "Qazaqstan halqyna" qory stýdentterge bilim granty túrinde qaiyrymdylyq kómek kórsetý baǵdarlamasyn ázirlep jatqany belgili bolǵan edi.
