Foto ©️ Tengrinews.kz / Turar Qazanǵapov
Qaraǵandy oblysynda ornalasqan "Qazaqstan" kenishindegi tótenshe jaǵdaidy tekserý qorytyndysy belgili boldy, - dep habarlaidy "Ult aqparat" QR TJM baspasóz qyzmetine silteme jasap.
Vedomstvo málimetinshe, 18 qyrkúiekte Qaraǵandy oblysynyń Óńirlik kommýnikatsiialar qyzmetinde ótken brifingte Tótenshe jaǵdailar ministri Syrym Sháriphanov «ArselorMittal Temirtaý» AQ Kómir departamentiniń «Qazaqstan» shahtasynda bolǵan apat jáne jumyskerlerdiń qaza bolý sebepterin tergeý jónindegi úkimettik komissiia jumysynyń qorytyndysyn jariialady.
Komissiia apat kezinde paidalanylǵan tehnikalyq qurylǵylar men jabdyqtarǵa birqatar arnaiy saraptama júrgizgen. Sonymen qatar órttiń paida bolýynyń jáne taralýynyń tehnikalyq sebepterin anyqtaý úshin órt-tehnikalyq saraptama júrgizilgen.
«Saraptama qorytyndysyna sáikes komissiia apat pen toptyq jazataiym oqiǵanyń negizgi sebepterin anyqtady:
Birinshiden, kómir konveierindegi órt konveierdiń keptelgen jáne bekitilgen roligindegi taspa tóseminiń úikelýine bailanysty boldy.
Ekinshiden, shahtanyń injener-tehnikalyq quramy tarapynan óndiristik baqylaýdyń bolmaýy. Sonymen qatar qaýipsizdik tehnikasynyń saqtalmaýy jáne energiia-mehanikalyq qyzmet baqylaýynyń álsizdigi anyqtaldy.
Úshinshiden, qaýipsizdik talaptaryn jáne tehnikalyq retteý normalaryn buzý. Bul - sáikestik sertifikatynsyz taspaly keneptiń jumysy.
Sońǵysy, jumys aimaǵynyń tozańdylyǵy jáne janý ónimderi men taý-ken qazbalarynan bolǵan aýa gazdylyǵy qyzmetkerlerdiń ólimine ákep soqty», - dep málimdedi Syrym Sháriphanov.
Sonymen qatar ministr eńbek zańnamasy normalaryn birqatar buzýshylyqtar anyqtalǵanyn atap ótti.
«Komissiia jumysynyń nátijeleri boiynsha jumys berýshiniń 100% kinási anyqtalyp, zańnamany buzýǵa jol bergen 28 jaýapty tulǵa belgili boldy», - dep atap ótti vedomstvo basshysy.
«Azamattyq qorǵaý týraly» Zańǵa sáikes tergeý nátijeleri quqyq qorǵaý organdaryna beriledi.
Eske sala keteiik, 17 tamyzda Qaraǵandy oblysyndaǵy "Qazaqstan" shahtasynda órt shyqty.
Óndiristegi apattan bes jumysshy qaitys boldy. Marqumdardyń denesin tabý ońaiǵa soqpady. Ministrlik izdeý jumystaryna qatty ystyq temperatýra men qoiý tútin kedergi keltirgenin aitty. Sondai-aq shahtadaǵy tilsiz jaýdy aýyzdyqtaý da qiyndyq týdyryp otyr. Tótenshe jaǵdaidy zertteýge halyqaralyq sarapshylar tartyldy.
