QR Premer-Ministri Asqar Mamin beinekonferentsiia bailanysy rejiminde Táýelsiz Memleketter Dostastyǵynyń (TMD) Úkimet basshylary keńesiniń (ÚBK) otyrysyna qatysty, dep habarlaidy primeminister.kz.
Úkimet basshysy óz sózinde TMD elderiniń ulttyq ekonomikalarynyń dáiekti túrde qalpyna kelýin jáne daǵdarysqa qarsydan pandemiiadan keiingi damý kún tártibine kóshýin atap ótti.
Osylaisha, HVQ-nyń sońǵy boljamdaryna sáikes, TMD-nyń barlyq ekonomikalary 2021-2022 jyldary óndiristiń pandemiiaǵa deiingi kólemine jetedi.
A. Mamin dostastyq keńistigindegi syrtqy saýda kóleminiń kúsheiip kele jatqan qarqynynyń mysaly retinde biylǵy jyldyń qańtar-tamyz ailarynda TMD sheńberindegi Qazaqstan taýar ainalymynyń $20 mlrd deiin 27%-ǵa ósýin atap ótti.
Premer-Ministr TMD elderi ekonomikalarynyń óndiristik integratsiiasynyń áleýetin iske asyrý qarqynyn kúsheitý, sondai-aq ornyqty ósimdi qamtamasyz etý maqsatynda Dostastyq memleketteriniń «jasyl» ekonomika modelin engizý qajettigin atap ótti.
A. Mamin infraqurylymnyń sapasy men qoljetimdiligin arttyrý, birlesken kólik saiasatyn júieli jáne dáiekti jetildirý, reglamentter men standarttardy úilestirý, kelisilgen tariftik saiasat júrgizý jáne TMD elderiniń tranzittik áleýetin keńinen paidalaný úshin ózara artyqshylyqtar berý mańyzdylyǵyna erekshe nazar aýdardy.
TMD elderinde balamaly kólik baǵyttaryna suranystyń artqanyn biylǵy jyldyń alǵashqy 9 aiynda QHR – EO baǵyty boiynsha tranzittik konteinerlik tasymaldar kóleminiń shamamen 40%-ǵa ósip, 600 myńnan astam JFE jetkeni dáleldeidi.
Premer-Ministr AÓK ónimderin birlesip óndirý jáne ony syrtqy naryqtarǵa shyǵarý jumysyn kúsheitýdi usyndy.
Transshekaralyq habtar men kóterme-taratý ortalyqtaryna súiene otyryp, Biryńǵai taýar ótkizý jelisiniń áleýetin iske asyrý atalǵan jumystyń mańyzdy baǵyty bolýy tiis, bul azyq-túlik qaýipsizdigin qamtamasyz etýge jáne TMD-nyń barlyq elderiniń ekonomikalyq bailanystylyǵyn arttyrýǵa jol ashady.
TMD aiasyndaǵy ekonomikalyq ózara is-qimyldyń ózekti máseleleri talqylandy.
Otyrys qorytyndysy boiynsha aqparattyq-telekommýnikatsiialyq jelilerde avtorlyq quqyq jáne sabaqtas quqyq obektilerine quqyqtardy saqtaý jáne qorǵaý boiynsha TMD-ǵa qatysýshy memleketterdiń yntymaqtastyǵy týraly kelisim qabyldandy.
TMD-ǵa qatysýshy memleketterdiń innovatsiialyq yntymaqtastyǵynyń 2030 jylǵa deiingi kezeńge arnalǵan memleketaralyq baǵdarlamasyn iske asyrý jónindegi 2021-2025 jyldarǵa arnalǵan keshendi is-sharalar jospary, 2022 jyly TMD-da halyq shyǵarmashylyǵy men mádeni mura jylyn ótkizý jónindegi is-sharalar jospary, 2030 jylǵa deiingi «1520 keńistikte» temirjol kóligin strategiialyq damytý tujyrymdamasy bekitildi.
2022 jyly Qazaqstan TMD-ǵa tóraǵalyq etedi. ÚBK-niń kelesi otyrysyn 2022 jylǵy mamyr aiynda Nur-Sultan qalasynda ótkizý josparlanyp otyr.
Otyrysqa Ázerbaijan Premer-Ministri Áli Idaiat oǵly Asadov, Belarýs Premer-Ministri Roman Golovchenko, Qyrǵyzstan Premer-Ministri Aqylbek Japarov, Moldova Premer-Ministri Natalia Gavrilitsa, Resei Premer-Ministri Mihail Mishýstin, Tájikstan Premer-Ministri Kohir Rasýlzoda, Ózbekstan Premer-Ministri Abdýlla Aripov, Armeniia vitse-premer-ministri Mger Grigorian, Túrikmenstan ministrler kabineti tóraǵasynyń orynbasary Charymyrat Pýrchekov qatysty.
