Qazaqstan Kaspii arqyly qurǵaq júk tasymaldaýǵa PC International, Maersk, MSC, COSCO Shipping siiaqty halyqaralyq operatorlardy tartpaqshy, dep habarlaidy QazAqparat.
Ortalyq kommýnikatsiialar qyzmetinde ótken brifingide QR Indýstriia jáne infraqurylymdyq damý ministrligi Kólik komiteti tóraǵasynyń mindetin atqarýshysy Qasym Tilepov osyndai málimet berdi.
Onyń aitýynsha, Qazaqstan Kaspii arqyly tasymaldanatyn qurǵaq júktiń kólemi artatynyn eskerip, arnaiy konteiner habyn salmaqshy. Bul habqa álemdegi iri konteiner operatorlary qyzmet kórsetýi múmkin.
«Konteinerlerdiń aǵyny artyp jatqanyn eskerip, Aqtaý portynda konteiner habyn salmaqshymyz. Osy maqsatpen halyqaralyq kólik-logistikalyq kompaniialardy tartý josparlanyp otyr. Onyń ishinde PC International da bar. Sondai-aq, Maersk, Mediterranean Shipping Company, COSCO Shipping siiaqty halyqaralyq konteiner operatorlary tartylady. Qazirdiń ózinde bul kompaniialarmen belgili bir sharttar pysyqtalyp jatyr. Bul bizge olardyń konteiner parkin tartýǵa múmkindik beredi. Búginde bizde konteiner tapshy. Sondyqtan, osy konteiner parkin tarta alsaq, transporttyq-ekporttyq múmkindikterimizdi arttyrar edi», - dedi komitet ókili.
