QR Densaýlyq ministri Aleksei Tsoi «Habar» arnasynyń tilshisine Qazaqstan ózge memleketterden vaktsina satyp alatyn-almaityny týraly aitty, dep habarlaidy "Ult aqparat".
Ministrdiń aitýynsha, ártúrli distribiýtorlarmen, kompaniialarmen kelissózder júrgizilip jatyr.
«Aldyn ala kelisimshart jasasyp jatyrmyz. Qupiialylyq sharttaryna bailanysty mazmunyn jariialai almaimyz. Biraq qazir bul vaktsinalardy Qazaqstanǵa jyldam jetkizý boiynsha kelisim júrgizilip jatyr. Sinovac qana emes, Pfizer, Moderna siiaqty vaktsinalarǵa da qatysty kelisim júrgizilýde. Iaǵni barlyq kompaniiamen kelisimge kelý kezeńindemiz. Olarǵa ótinim jazyp qoidyq. Jaqyn arada onyń baǵasy men jetkizý ýaqytyna qatysty jaýap kútip otyrmyz», - dedi QR Densaýlyq ministri Aleksei Tsoi.
Aita keteiik, Sinovac vaktsinasy – Qytaida óndirilgen. Pfizer vaktsinasy – amerikalyq Pfizer kompaniiasy men BioNTech nemis kompaniiasynyń birlesken preparaty. Moderna vaktsinasy – amerikalyq Moderna kompaniiasynyń ónimi.
Qazirgi ýaqytta Qazaqstanda reseilik «Spýtnik V» vaktsinasy ǵana qoldanylyp otyr. Otandyq KazCOVID-in vaktsinasy synaqtyń sońǵy kezeńderinen ótýde.
