Foto:habr.com
Speedtest Global Index portaly 2024 jyldyń qorytyndysy boiynsha álemdegi eń jyldam internetke ie qalalar men elderdiń tizimin jańartty, dep habarlaidy Ult.kz.
Bul reitingte 154 eldiń 200 qalasyndaǵy mobildi jáne keńjolaqty internettiń qoljetimdiligi men júkteý jyldamdyǵy saraptalǵan.
Zertteý nátijesinde Qazaqstan mobildi internet jyldamdyǵy boiynsha bir satyǵa joǵarylap, 57-orynǵa kóterilgen. Elimizde mobildi internettiń ortasha júkteý jyldamdyǵy 53,79 Mbit/s qurap, Japoniiany (53,54 Mbit/s)artta qaldyrǵan. Alaida keńjolaqty internet jyldamdyǵy tómenirek — sekýndyna 73,67 Mbit, bul kórsetkishpen Qazaqstan álemde 88-orynda tur.
Mobildi internet jyldamdyǵy boiynsha álemdegi kóshbasshy elder:
1. Birikken Arab Ámirlikteri – 453,87 Mbit/s
2. Qatar – 383,5 Mbit/s
3. Kýveit – 257,3 Mbit/s
Al reitingtiń sońǵy satysynda Aýǵanstan ornalasqan, munda mobildi internet jyldamdyǵy nebári 8,2 Mbit/s quraidy.
