QR Tsifrlyq damý, innovatsiialar jáne aeroǵarysh ónerkásibi ministrligi Aeroǵarysh komiteti tóraǵasynyń buiryǵymen Erkin Shaimaǵambetov «Qazaqstan Ǵarysh Sapary» UK« AQ Basqarma basshysy qyzmetine taǵaiyndaldy, dep habarlaidy "Ult aqparat".
Jańa basshyny ujymǵa QR Tsifrlyq damý, innovatsiialar jáne aeroǵarysh ónerkásibi vitse-ministri Azamat Batyrqoja tanystyrdy. «Erkin Mustafauly eńbek jolyn «Baiqońyr» ǵarysh ailaǵynda bastady, 22 jyldan beri Qazǵarysh júiesinde jumys isteidi, Aeroǵarysh komitetin tabysty basqardy. Jalǵyz aktsionerdiń kompaniia basshysy qyzmetine taǵaiyndalǵany týraly sheshim 12 aqpanǵa týra keldi. Onyń moinyna Qazaqstannyń ǵarysh tehnologiiasyn qurý boiynsha jaýapty mindetter júkteledi. 65 jyl buryn dál osy kúni «Baiqońyr» ǵarysh ailaǵyn qurý týraly qujatqa qol qoiylǵan bolatyn», - dep atap ótti vitse-ministr.
Erkin Shaimaǵambetov ministrlik basshylyǵyna senim kórsetkeni úshin alǵys bildirdi. «Baiqońyr – ómir men bilim jolyndaǵy úlken mektep», - dep jaýap berdi ol.
Erkin Shaimaǵambetov 45 jasta. 1974 jyly 7 maýsymda Qyzylorda oblysy Syrdariia aýdany Tastúbek kentinde dúniege kelgen.
Úilengen, uly bar.
1998 jyly «Ǵaryshtyq ushý apparattary jáne údemeli aidaý bloktary» mamandyǵy boiynsha Máskeý memlekettik aviatsiialyq institýtyn bitirdi.
1998 jyldyń naýryzynan bastap Ǵylym ministrligi - QR Ǵylym akademiiasy Ulttyq aeroǵarysh agenttiginiń «Baiqońyr» ǵarysh ailaǵy basqarmasynda «Baiqońyr» ǵarysh ailaǵy obektilerin paidalaný jaǵdailaryn baqylaý boiynsha bólimniń bas mamany (Baiqońyr q.) bolyp jumys istedi. 1998 jyldyń qarashasynan bastap atalǵan bólimniń bastyǵy bolyp taǵaiyndaldy.
2005 jyly Qazaqstan Respýblikasy Bilim jáne ǵylym ministrligi Aeroǵarysh komiteti «Baiqońyr» ǵarysh ailaǵy basqarmasynyń bastyǵy boldy.
2006 jyly Qazaqstan Respýblikasy Bilim jáne ǵylym ministrliginiń Aeroǵarysh komiteti tóraǵasynyń orynbasary laýazymyna taǵaiyndaldy.
2007 jyldyń 8 maýsymynan bastap, Qazaqstan Respýblikasy Ulttyq ǵarysh agenttigi tóraǵasynyń orynbasary boldy.
2014 jyldyń 1 qazanynan bastap QR Investitsiialar jáne damý ministrliginiń Aeroǵarysh komiteti tóraǵasynyń orynbasary qyzmetin atqardy.
2016 jylǵy 7 qyrkúiekte QR Qorǵanys jáne aeroǵarysh ónerkásibi ministrligi Aeroǵarysh komitetiniń tóraǵasy laýazymyna taǵaiyndaldy.
2016 jyldyń qarashasynan 2019 jyldyń mamyryna deiin Qazaqstan Respýblikasy Qorǵanys jáne aeroǵarysh ónerkásibi ministrligi Aeroǵarysh komitetiniń tóraǵasy boldy
2019 jyldyń maýsymynan osy ýaqytqa deiin QR Tsifrlyq damý, innovatsiialar jáne aeroǵarysh ónerkásibi ministriniń keńesshisi bolyp qyzmet atqardy
Marapattary bar: «Eren eńbegi úshin» medali (2005 j.); «Qazaqstan Respýblikasynyń táýelsizdigine 20 jyl» medali (2011 j.).
