Qazaqstan ǵalymdary dári-dármektiń jeke dozasyn dál esepteitin DNQ-test ázirledi, dep habarlaidy "Ult aqparat".
«QR BǴM Ǵylym komiteti Ulttyq biotehnologiia ortalyǵynyń ujymdyq paidalanýdaǵy ulttyq ǵylymi zerthanada biologiia ǵylymdarynyń kandidaty Elena Joldybaevanyń jetekshiligimen Qazaqstanda júrek-qan tamyrlary aýrýlaryn emdeý kezinde keńinen taǵaiyndalatyn «Varfarin» jáne «Plaviks» trombolitikalyq preparattarynyń jeke dozasyn tańdaýǵa arnalǵan jedel DNQ-test ázirlendi. Ázirlengen DNQ-test patsienttiń genetikalyq taldaýy negizinde dári-dármektiń jeke dozasyn dál esepteýge múmkindik beredi», - delingen Ǵylym komiteti taratqan aqparatta.
Vedomstvo málimetinshe, bul preparat mólsherden tys dozalaný qaýpin aitarlyqtai azaitady jáne taǵaiyndalǵan dozanyń jetkiliksizdigine bailanysty tiimsiz emdi joiady.
Test-júieniń biregeiligi – ol Qazaqstannyń kez kelgen diagnostikalyq zerthanasynda bar qoljetimdi jabdyqpen (naqty ýaqyt rejimindegi amplifikator) úilesedi. Al alys shetelderde osyǵan uqsas júieler qymbat turatyn DNQ-chipterdi qoldaný arqyly jumys isteidi.
Qazirgi tańda DNQ-test Nur-Sultan qalasy aýrýhanalarynda emdelip jatqan naýqastar úshin qoldanylady. Ǵalymdar búkil Qazaqstandy qamtýdy jáne ónerkásiptik aýqymda DNQ testerin jetkizýdi josparlap otyr.
