Eýroparlament depýtattary Tatiana Jdanoka men Ryshard Charnetski Qazaqstanda bolyp jatqan jaǵdailarǵa pikir bildirdi, dep habarlaidy QazAqparat.
«Qazaqstan halqymen birge ekenimdi aitqym keledi. Jaqyn ýaqytta zańdylyq pen tártip ornaitynyna úmittimin. Qaza bolǵan jáne zardap shekkender úshin qyńjylamyn, qaiǵyra kóńil aitamyn», - dedi Eýropalyq parlament (Jasyldar fraktsiiasy jáne Eýropalyq erkin aliansy) depýtaty Tatiana Jdanoka.
Evropalyq parlament depýtaty («Quqyq jáne ádilettilik») Ryshard Charnetski atap ótkendei, Qazaqstan Eýropalyq odaq úshin asa mańyzdy seriktes bolyp tabylady.
«Sizderdegi saiasi ahýaldyń barysyn muqiiat baqylap otyrmyz. Qazaqstan Eýropalyq odaq úshin asa mańyzdy seriktes bolyp tabylady jáne beibit protseske baǵdarlanǵan eldegi barlyq kúshterge qoldaý bildiremiz. Prezident eldegi saiasi jáne ekonomikalyq reformalardy usynýǵa ýáde etti. Sońǵy jyldary ekonomikalyq damýdyń oń dinamikasyn kórip otyrmyz. Biz EO-nyń turaqty saiasi jáne ekonomikalyq seriktesi retinde Qazaqstannyń baiandy bolýyna múddelimiz», - dedi Ryshard Charnetski.
