Foto: videodan skrinshot
Qazaqstan men Túrkiia arasynda ótken dóńgelek ústel barysynda YDA Holding basqarma tóraǵasy Hýsein Arslan kompaniia elimizdiń ónerkásiptik jáne tranzittik áleýetin ashý úshin $2,5 mlrd-tan astam investitsiia salǵanyn málimdedi, dep habarlaidy Ult.kz.
Aqtaý jáne Túrkistandaǵy áýejailar paidalanýǵa berilip, elordada indýstriialyq park iske qosylǵan.
Kelesi kezeń – teńiz logistikasy men agroónerkásip salasyn kúsheitý. Aqtaýda teńiz ailaǵyn salý jáne Petropavlda quny $230 mln bolatyn keshendi iske qosý josparlanyp otyr.
«Álemniń alty elindegi tájiribemizdi eskere otyryp, men Qazaqstan investorlarǵa qolaily el dep aita alamyn. Investorlar tartýǵa barlyq qoldaý kórsetilýde jáne bul shynynda da investitsiia tartýǵa óte yńǵaily memleket. Osy oraida, Prezident Qasym-Jomart Toqaevqa alǵysymdy bildiremin. Aldaǵy 5 jylda biz múldem basqa Qazaqstandy kóremiz dep senemin. 5 jyldan keiin Qazaqstan álemniń ekonomikasy eń damyǵan 10 eliniń qatarynan oryn alatynyna shyn júrekten senemin», — dep atap ótti spiker.
