Kollaj: ulysmedia.kz.
Indýstriia jáne infraqurylymdy damytý ministri Qaiyrbek Óskenbaev Túrkiiada daýǵa qalǵan qazaqstandyq "Jibek joly" kemesi jaily suraqtarǵa jaýap berdi, dep habarlaidy Ulysmedia.kz.
«Jibek joly kemesi Resei kompaniialaryna jalǵa berilgen. Resei kompaniiasy eshqandai sanktsiiada emes. Olarǵa eshqandai shekteý joq. Sol sebepti bizdiń kásipkerler, iaǵni QTJ-ǵa qaraǵan KTZ Express Shipping kompaniiasy jalǵa berdi. Olar ne tasyǵanyn ózderińiz de kórip otyrsyz ǵoi. Óitkeni ol bizge de jańalyq bolyp tur. Zańdy túrde tasityn taýar bolsa eshqandai shekteý joq. Al biraq shart boiynsha bir eldiń zańyn buzatyndai jaǵdai bolsa, onda bizdiń kásipkerler másele kóterip, ol kemeni keri qaitarýǵa quqyǵy bar”, – dedi Eraly Toǵjanov úkimet kýlýarynda.
«Osy jaǵdaidyń ózi Qazaqstandy eshqandai sanktsiialarǵa uryndyrmaidy dep aita alasyz ba?» degen suraqqa ministr «Qazaqstan eshqandai zań buzǵan joq» dep jaýap berdi. Al «jalǵa berýdiń eshqandai saldary bolmai ma?» degen sózge ministr «soqpaidy» dedi.
«Ol kompaniiaǵa (kemeni qoldanǵan reseilik kompaniia) eshqandai shekteý joq. Sol sebepti zańdy túrde berdi. Biraq ol jaqtan zańbuzýshylyq bolsa, Túrkiia nemese Ýkraina bizge resmi túrde baiandama berse, onda biz de zerttep, tiisti shara qabyldap, óz sheshimizdi belgileimiz», - dedi ol.
Ministr kemeniń qashan jalǵa berilgenin bilmeitinin aitty.
«Qazaqstan úshin eshqandai saldar bolmaýy kerek. Óitkeni Qazaqstan halyqaralyq kelisimshartty buzǵan emes, buzbaidy da. Biz sheshimdi kútemiz. Sebebi istiń mán-jaiy tolyq belgisiz. Qandai da bir sheshimniń shyqqany týraly baspasóz habarlamasy tarasa, biz soǵan qarai tiisti sheshimdi qabyldaimyz», - dedi Qaiyrbek Óskenbaev.
Eske sala ketsek osydan birneshe kún buryn birqatar basylymda qazaqstandyq «Jibek joly» kemesimen Berdiansk teńiz saýda porty arqyly Ýkrainadan Túrkiianyń Qarasý portyna astyq eksporttalǵany týraly aqparat jariialanǵan bolatyn. Ýkraina tarapy Túrkiia biligine atalmysh kemege tosqaýyl qoiýdy ótingen. Sebebi Ýkrainadan tonalǵan bidaidy Resei tarapy basqa elderge satpaq degen argýmentti keltiredi Ýkraina tarapy. «Qazaqstan temir joly» ulttyq kompaniiasy bul aqparatty rastap, Qazaqstan kemesiniń astyq tasý sebebin túsindirip, kemeniń jalǵa berilgenin jariialaǵan edi.
