2020 jyldyń 11 aqpanynda Zagreb qalasynda Qazaqstannyń Elshisi Tólejan Barlybaevtyń Horvatiianyń Syrtqy jáne eýropalyq ister ministri Gordan Grlich Radmanmen kezdesýi ótti, dep habarlaidy QR SIM baspasóz qyzmeti.
Kezdesý barysynda horvat ministri Briýsselde QR-EO yntymaqtastyq keńesiniń 17-shi otyrysy barysynda QR SIM basshysy Muhtar Tileýberdimen jaqynda bolǵan kelissózderdiń nátijelerine joǵary baǵa berdi. Ol osy jyldyń I-shi jartyjyldyǵynda Eýropa Odaǵynyń Keńesine Horvatiianyń tóraǵalyq etý missiiasy týraly aityp, EO men QR arasyndaǵy yntymaqtastyqty nyǵaitýdyń mańyzdylyǵyn atap ótti.
Taraptar ekijaqty bailanystardyń qarqyndy damyp kele jatqanyn atap, oǵan Horvatiianyń Nur-Sultan qalasynda Elshiligi men Split qalasyndaǵy QR konsýldyǵynyń ashylýy, ekonomikalyq yntymaqtastyq týraly jáne qosarlanǵan salyq salýdy boldyrmaý týraly kelisimderdiń kúshine enýi, sonymen qatar 2019 jyldyń sáýirinen bastap QR jáne XR syrtqy ister ministrleriniń tórt resmi kezdesýi dálel boldy.
Elshi biyl Zagrebte josparlanǵan ekonomikalyq yntymaqtastyq jónindegi Qazaqstan-Horvatiia Úkimetaralyq komissiianyń 1-shi otyrysynyń ótkizý merziminiń pysyqtalýyn, sondai-aq Nur-Sultan qalasynda 2020 jyldyń maýsymynda ótkizýi josparlanǵan Dúniejúzilik saýda uiymynyń (DSU) 12-ministrlik kezdesýine daiyndyq barysy týraly habardar etti.
G.Grlich Radman 2020 jylǵy maýsymda DSU-nyń ministrlik konferentsiiasyna qatysý, sondai-aq qazaqstandyq seriktestermen ekijaqty kelissózder júrgizý úshin Qazaqstan astanasyna barý nietin rastady.
