Qazaqstannyń Elshisi Nurlan Seitimov Tallinn qalasynda Estoniianyń Riigikogý (Parlament) spikeri Henn Pyllýaaspen kezdesý ótkizdi, dep habarlaidy "Ult aqparat" QR Syrtqy ister ministrligine silteme jasap.
Kezdesý barysynda H.Pyllýaas ekijaqty qatynastar úshin tiimdi Estoniiada Qazaqstannyń Elshiligin ashý faktisin qanaǵattanýshylyqpen atap, Qazaqstan-Estoniia yntymaqtastyǵyn odan ári nyǵaitýǵa qyzmet etetinine senim bildirdi.
«Qazaqstan men Estoniia parlamentterindegi depýtattyq dostyq toptarynyń qyzmetine belsendi nazar aýdaryldy.
Elshi N.Seitimov suhbattasýshyny Qazaqstandaǵy saiasi jáne áleýmettik-ekonomikalyq salalardaǵy ózgerister týraly habardar etti.
Taraptar elektrondyq úkimet, aqparattyq tehnologiialar, aýylsharýashylyq salalaryndaǵy ekijaqty yntymaqtastyqtyń tiimdi ósý úshin jaqsy perspektivalary bar ekendigi týraly ýaǵdalasty», - delingen baspasóz baianynda.
