Elimizdiń sheteldegi elshilikteri QR Ulttyq qaýipsizdik qyzmetiniń kúzetine alynýy múmkin. Búgin QR Parlamenti Senatynda Halyqaralyq qatynastar, qorǵanys jáne qaýipsizdik komitetiniń otyrysynda «Qarsy barlaý qyzmeti týraly» zań jobasyn talqylaýdan keiin Ulttyq qaýipsizdik komiteti tóraǵasynyń orynbasary Marat Qalqabaev osylai málim etti, dep habarlaidy "Ult aqparat".
«Elshilik resmi túrde tek Aýǵanstanda ǵana (QR UQK Shekara qyzmeti) kúzetiledi. Jaqynda bolǵan terakt (Túrkiiadaǵy) tiisti sharany qabyldaý qajet ekenin baiqatyp otyr»,-dedi ol tilshiler saýalyna jap berý kezinde. Osy rette ol shetelde diplomatiialyq ókildikti kúzetke alý týraly másele ońailyqpen sheshilmeitinin túsindirdi. «Qaýiptilik deńgeiine qarai elimizdiń basqa elshilikterinde kúzetpen qamtamasyz etý múmkindigi bar. Ázirge, Túrkiiada osyndai kúzet jaiynda aldyn ala aita almaityn, degenmen de bul máseleni qarastyramyz», - dedi Qalqabaev.
