Qazaqstan ekonomikasynyń ósý qarqyny 3,8 paiyzǵa deiin jedeldedi. Bul týraly Úkimet otyrysynda QR Ulttyq ekonomika ministri Áset Erǵaliev málim etti, dep habarlaidy QazAqparat.
«Osy jylǵy qańtar-qarasha ailarynda Qazaqstan ekonomikasynyń ósý qarqyny 3,8 paiyzǵa deiin jedeldedi. Osy esepti kezeńde negizgi trendter boiynsha qyzmet kórsetý sektoryndaǵy ósimniń jyldamdaýy, naqty sektordaǵy ósý qarqynynyń turaqtylyǵy, eksporttyń joǵary kórsetkishteri arqasynda saýda balansynyń nyǵaiýy, óndirýshi emes sektorlardaǵy joǵary investitsiialyq belsendilik baiqalýda», - dedi ministr.
Onyń atap ótýinshe, 11 aida naqty sektordaǵy ósim 2,9 paiyzdy qurady.
«Qyzmet kórsetý salasynda iskerlik belsendilik 3,9 paiyzǵa deiin ósti. Salalar arasynda aqparat jáne bailanys, saýda, sýmen jabdyqtaý, qurylys, elektrmen jabdyqtaý, óńdeý ónerkásibi joǵary ósim kórsetýde», - dedi Áset Erǵaliev.
