Qazaqstan Chehiiamen birge Bolon protsesi baqylaý tobynyń (Bolonga follow-Up Group - BFUG) teń tóraǵasy bolyp bekitildi, dep habarlaidy QazAqparat.
Elimiz 2022 jylǵy 1 shilde men 31 jeltoqsan aralyǵynda teń tóraǵalyq etedi. Sondai-aq Qazaqstan kelesi jyldyń basynan bastap BFUG basqarýshy keńesiniń quramyna (BFUG Board) kiredi.
«Qazaqstannyń BFUG-ǵa teń tóraǵalyq etýi bul joǵary jaýapkershilik ári elimizdiń halyqaralyq deńgeide moiyndalýyn bildiredi. Bolon protsesiniń quramyna 48 memleket kiredi, olardyń ishinde Shveitsariia, Frantsiia, Ulybritaniia, Ispaniia, Italiia jáne t.b. elder bar. Al Qazaqstan biryńǵai bilim berý protsesiniń múddelerin bildirý týraly usynysy eýropalyq bilim berý júiesinde qazaqstandyq joǵary bilim júiesiniń bedeliniń artqanyn kórsetedi», - dedi QR BǴM Joǵary jáne joǵary oqý ornynan keiingi bilim departamentiniń direktory Ádilet Toibaev.
Qazaqstan Bolon protsesi baqylaý tobynyń teń tóraǵasy retinde sheteldik áriptestermen kúsh-jigerdi biriktirý maqsatynda joǵary bilim salasyndaǵy ózekti máselelerdi halyqaralyq deńgeide talqylaýǵa bastamashylyq etýdi kózdep otyr. Onyń ishinde beiresmi, pedagogikalyq bilim berýdi damytý, bilim sapasyn baǵalaýdy qamtamasyz etý, sonymen birge Ortalyq Aziia keńistiginde Bolon protsesiniń ozyq tájiribesin tirajdaý máseleleri bar.
Aita keteiik, Qazaqstan 10 jyldan astam ýaqyt boiy Bolon protsesiniń tolyqqandy múshesi bolyp keledi. Onyń parametrleri joǵary bilim berý júiesine belsendi túrde engizildi. Sondai-aq Qazaqstan barlyq kórsetkish boiynsha óz mindettemelerin oryndady.
